ژمارەیەک پەرلەمانتاری سویدی لەبارەی دەستگیرکردنی ڕۆژنامەنووسان نامەیەک ئاڕاستەی سەرۆکی حکومەتی هەرێمی کوردستان دەکەن و دەڵێن" داوای ئازادکردنی بێمەرجی ڕۆژنامەوان شێروان شێروانی و گشت ئەو ڕۆژنامەوانانەی دیکە و پارێزەرانی مافی مرۆڤ دەکەین، کە ئێستا دەستگیرکراون و لە زیندانن لە بەر ڕا و بۆچونەکانیان".
هەریەک لە ئامینە کاکە باوە ئەندامی پەرلەمانی سوید، سۆسیالیستی سەربەخۆ و مارگەرێتا سێدەرفێلت، ئەندامی پەرلەمانی سوید، لە پارتی مۆدێرات، ئوللێ تورێل، ئەندامی پەرلەمانی سوید، لە پارتی سوسیال دیموکرات نامەیەکی کراوە ئاڕاستەی سەرۆکی حکەمەتی هەرێم دەکەن و ڕایدەگەیەنن" هەڵکشانی ژمارەی دەسەتگیرکردن و بەکارهێنانی توندوتیژی و بێسەروشوێنکردن و ڕفاندنی رۆژنامەوانان و داکۆکیکەران لە مافی مرۆڤ بۆتە هۆی بەرتەسکبوونەوەی فەزای دیموکراسی لە هەرێمی کوردستان".
لە ڕاگەیەندراوەکەدا کە دانەیەکی بۆ ماڵپەڕی "سپی" نێردراوە باس لەوەشدەکەن، ئێمەی پەرلەمەنتارانی سویدی، کە ساڵانێکی زۆرە داکۆکی لە داوا ڕەواکانی گەلی کورد بۆ دیموکراسی و ئازادی دەکەین، داوای ئازادکردنی بێمەرجی ڕۆژنامەوان شێروان شێروانی و گشت ئەو ڕۆژنامەوانانەی دیکە و پارێزەرانی مافی مرۆڤ دەکەین، کە ئێستا دەستگیرکراون و لە زیندانن لە بەر ڕا و بۆچونەکانیان.
دەقی نامەکە:
نامەیەکی کراوە بۆ سەرۆك وەزیرانی حکومەتی هەرێمی کوردستان، مەسرور بارزانی
لە وڵاتی سوید پشتیوانییەك بەرچاو بۆ مافەکانی گەلی کورد هەیە. لە هەمان کاتدا نیگەرانییەك سەبارەت بە دەستگیرکردن و بەکارهێنانی توند و تیژی دژی ڕۆژنامەوان و پارێزەرانی مافی مرۆڤ لە هەرێمی کوردستان هەیە.
هەڵکشانی ژمارەی دەسەتگیرکردن و بەکارهێنانی توندوتیژی و بێسەروشوێنکردن و ڕفاندنی رۆژنامەوانان و داکۆکیکەران لە مافی مرۆڤ بۆتە هۆی بەرتەسکبوونەوەی فەزای دیموکراسی لە هەرێمی کوردستان.
ئێمەی پەرلەمەنتارانی سویدی، کە ساڵانێکی زۆرە داکۆکی لە داوا ڕەواکانی گەلی کورد بۆ دیموکراسی و ئازادی دەکەین، داوای ئازادکردنی بێمەرجی ڕۆژنامەوان شێروان شێروانی و گشت ئەو ڕۆژنامەوانانەی دیکە و پارێزەرانی مافی مرۆڤ دەکەین، کە ئێستا دەستگیرکراون و لە زیندانن لە بەر ڕا و بۆچونەکانیان.
ستۆکهۆلم، ٣١/١٠/٢٠٢٠
ئامینە کاکەباوە، ئەندامی پەرلەمانی سوید، سۆسیالیستی سەربەخۆ.
مارگەرێتا سێدەرفێلت، ئەندامی پەرلەمانی سوید، لە پارتی مۆدێرات.
ئوللێ تورێل، ئەندامی پەرلەمانی سوید، لە پارتی سوسیال دیموکرات.