خانمە هونەرمەندی شاری ڕانیە دینا وێنەیەكی خۆی بڵاوكردەوە کە جلوبەرگی هاوسەرگیری پۆشیوە. 

دینا لە هەژماری تایبەتی خۆی لە ئینستاگرام وێنەیەكی بڵاوكردەوە، وەک لە وێنەکەشدا دەردەکەوێت دینا جلوبەرگی بوکێنی لەبەرکردووە و هاوسەرەکەشی لە پشتیەوە دەرکەوتووە.

بەڵام تائێستا دینا بە فەرمی ڕاینەگەیاندووە کە ژیانی هاوسەرگیری پێکهێناوە، یان تەنها بۆ کاری هونەری و ڤیدیۆکلیپێکی نوێی خۆی وێنەکەی گرتووە.

دینا لە شاری ڕانیە لەدایكبووە و لە شاری هەولێر نیشتەجێیە، لە مانگی تەمووزی ٢٠١٧ دەستی بە كاری هونەری كردووە و خاوەنی كۆمەڵێك گۆرانی تۆماركراو و چەند ڤیدیۆ كلیپێكە، یەكەم ڤیدیۆكلیپی لەژێر ناونیشانی "شای وڵات" بڵاوكردەوە.