بەهۆی بەرزبوونەوەی ژمارەی تووشبووانی کۆرۆنا لە نێو لە كارمەند و ئەندامانی پەرلەمانی كوردستان، بۆ ماوەیەك كۆبوونەوەكانی پەرلەمان راگیرا.
بەڕێوەبەری راگەیاندنی پەرلەمانی كوردستان لە لێدوانێکی رۆژنامەوانیدا ئاشکرای دەکات "لە ماوەی رابردوودا زیاتر لە ٥٠ كارمەند و ٣ ئەندامی پەرلەمانی كوردستان تووشی پەتای كۆرۆنا بوون و بەم هۆیەوە دەستەی سەرۆكایەتیی پەرلەمانی كوردستان بەشێك لە كارەكانی پەرلەمانی راگرتووە".
هەرێمی کوردستان رووبەڕووی شەپۆلێکی بەرفراوانی ڤایرۆسی کۆرۆنا بۆتەوە، بەهۆی ئەو شەپۆلەوە خوێندن لە قوتابخانەو زانکۆکان بۆ ماوەی مانگێک راگیران.