بۆ دووەم رۆژە لە سەرتاسەری عێراق ژمارەی گیان لەدەستدان نیوەی زیاتری لە هەرێمە، ئەمڕۆ ٤٧ تووشبوو گیانیان لە دەستداوە ٢٨ یان لە سلێمانین.
وەزارەتی تەندروستی حکوومەتی عێراق لە بەیاننامەیەکدا ریاگەیاند ٢ هەزار و ٢٣٧ حاڵەتی نوێی تووشبوون بە ڤایرۆسی کۆرۆنا تۆمار کراوە.
لە بەیاننامەکەدا ئاماژە بۆ ئەوە دەکرێت کە لە ٢٤ کاتژمێری رابردوو ٢ هەزار و ٨١٣ کەسیش چاکبوونەتەوە، 47 کەسیش گیانیان لە دەستداوە.
لە عێراق کۆی گشتی تووشبووان گەیشتە ٥١٩ هەزار و ١٥٢ کەس، کە لە کۆی گشتی تووشبووانی ئەم ڤایرۆسە ٤٤٧ هەزار و ٣٩ کەس چاکبوونەتەوە و ١١ هەزار و ٦٧٠ کەسیش گیانیان لە دەستداوە.