ئەنجومەنی وەزیرانی عێراقی پرۆژە یاسای بودجەیان تەواو کرد و ئاراستەی پەرلەمانیان کرد، کازمی وتی " یاسای بودجە ئەو دوو توێژە ناگرێتەوە کە زۆترینی گەلی عێراق پێکدەهێنن"، هەروەها وتیشی" هێرشکردنە سەر ناوچەی سەوز کارێکی تیرۆریستییە".ئاشکراشی کرد تورکیا ئامادەی بە ٥ ملیار دۆلار ئامادەیە کۆمەکی عێراق بکات.
کازمی لە کۆنگرەیەکی رۆژنامەگەریدا لە ناوچەی سەوز رایگەیاند " بۆردومانی دوێنێ شەوی ناوچەی سەوز کارێکی تیرۆریستی ترسنۆکانەیەو مووشەکەکان بەسەر خەڵکی عێراقیدا کەوتن و زەرەریان پێگەیاندن".
سەرۆک وەزیران وتیشی " رێگای نادەین هێرش بکرێتە سەر نوێنەرایەتیە دیبلۆماسییەکان و کۆمەڵێک خەڵکی گومان لێکراومان دەستگیرکردووە".
ئەو وتیشی بەرپرسانی سەربازی و ئەمنی ئەو ناوچانەمان دەستبەسەر کردووەو خستوومانەتە ژێر لێكۆڵێنەوەوە.
دەربارەی پرۆژە یاسای بودجەی ساڵی ٢٠٢١ کازمی وتی " بودجە خۆی لە قەرەی ئەو توێژانە نادات لە زۆرینەی گەل پێکدێنن، بەڵکو چینە بەرزەکانی کردۆتە ئامانج".
هەروەها وتیشی " حکومەتی تورکیا ئامادەیە ٥ ملیار دۆلار وەک پاڵپشتی بدات بە عێراق".