وەزارەتی تەندروستی روونکردنەوە لەسەر ئەو حاڵەتەی دهۆک دەدات کە گومانی جۆرە نوێکەی کۆرۆنای لێدەکرا

‌
وەزارەتی تەندروستی هەرێم له‌ راگه‌یه‌ندراوێكدا زانیاری نوێ له‌باره‌ی دۆخی ته‌ندروستی ئه‌و هاووڵاتییه‌ی بڵاودەکاتەوە کە له‌ به‌ریتانیا گه‌ڕاوه‌ته‌وه‌ و گومانی لێده‌كرا هه‌ڵگری جۆرە نوێکەی كۆرۆنا بێت.


له‌و راگەیاندنەدا ئاسۆ حه‌وێزی، وته‌بێژی وه‌زاره‌تی ته‌ندروستی حكومه‌تی هه‌رێمی كوردستان دەڵێت " دوای دڵنیابوونەوە و پشکنین بۆ ئه‌و هاووڵاتییه‌، خۆشبەختانە هەڵگری زنجیرەی نوێی ڤایرۆسی هەڵگەڕاوەی کۆرۆنا نەبوو".


دەشڵێت "ئێستا تەندروستی زۆر باشە و چاکبووەته‌وە و گەڕاوەتەوە ماڵەوە".


به‌ر له‌ چه‌ند رۆژێك دوای گه‌ڕانه‌وه‌ی هاووڵاتییه‌كی پارێزگای دهۆك له‌ وڵاتی به‌ریتانیا و به‌هۆی بوونی چه‌ند نیشانه‌یه‌كی په‌تای كۆرۆنا، گومانی ئه‌وه‌ ده‌كرا كه‌ هه‌ڵگری زنجیره‌ نوێیه‌كه‌ی په‌تای كۆرۆنا بێت. 
 


PM:11:16:17/01/2021








ئەستێرەکان

Spee Media