بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە زیاتر لە ٩٧ ملیۆن حاڵەت.

بەپێی دوایین ئامارەکانی جیهان، لە سەرتاسەری جیهان، لە ماوەی ٢٤ کاتژمێری ڕابردوودا ٩٧ ملیۆن و ٣٥٩ هەزار و ٩٨٩ کەس تووشی ڤایرۆسی کۆرۆنا بوون، دوو ملیۆن و ٨٤ هەزارو ٨٨٤ توشبووش گیانیانلەدەستداوە، هەروەها لەو ژمارەیەش ٦٨ ملیۆن و ٢٠٤ هەزار و ٤٧٨ توشبوو چاکبونەتەوە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە، كە تیایدا ٢٤ ملیۆن و ٩٩٨ هەزار و ٩٧٥ حاڵەتی تووشبوونی تۆمارکردوە، هەروەها ژمارەی ئەوانەی گیانیان لەدەستداوە بۆ زیاتر لە ٤١٥ هەزار کەس بەرزبووەتەوە.