راوێژکارێکی بارزانی: تورکیا بنکەی سەربازی لە شەنگال دروستدەکات

‌
راوێژکاری راگەیاندنی مەسعود بارزانی، کیفاح محمود زانیاری مەترسیدار ئاشکرا دەکات و دەڵێت" توركیا بەنیازە بنكەی سەربازی لە قەزای شەنگالی سەربە پارێزگای نەینەوا بنیاد بنێت".


ئاژانسی " سپۆنتیک " ی روسی لە زاری کفاح مەحمود راوێژکاری میدیای مەسعود بارزانییەوە بڵاویکردۆتەوە" بابەتەیی گرنگ ئەوەیە كە بەغدا و هەولێر و ئەنقەرە كاری لەسەر دەكەن و لە كۆبونەوەكانی ماوەی دواییدا باسی لێوەكراوە، بەپێی زانیاریەكان لە لایەنی گرنگی نزیك لە توركیاوە دەستكەوتووە، ئەنقەرە بنكەی سەربازی لە شنگال دروست دەكات، وەك بنكەی سەربازی بەعشیقە لە نزیك شاری موسڵ".  


دەربارەی پەیوەندی بەغداو هەرێم لە بارەی رێککەوتنی شەنگالەوە، راوێژکارەکەی بارزانی دەڵێت" هەردوولا جدین بەتایبەتی لە ڕێكەوتنی شنگال، هەردولا هەوڵی ئەوە دەدەن پەكەكە ڕازی بكەن پرۆسەی سەربازی لەناو خاكی عێراقەوە دژی توركیا ئەنجام نەدەن و ئەو ناوچانە تێیدان چۆڵی بكەن".  


  
بەپێی نەخشەیەکی سەربازی کە ساڵی رابردوو سەرۆكایەتی توركیا بڵاویکردەوە، ئەو وڵاتە ٣٧ بنكەی سەربازی لە هەرێمی كوردستان هەیە.  
 


PM:02:42:22/01/2021








ئەستێرەکان

Spee Media