حوکمڕانی هەرێمی کوردستان بەجۆرێک
بوە،هەمیشە هەوڵی ئەوە دراوە سیستمێکی ناوەندی دروستبکرێت و پایتەخت بەرانبەر
شارەکانی تر جۆرێک هەژمونی بۆ دروست بکرێت،کە سەرئەنجام هاونیشتمانییان
ڕقئەستوری وهەستی ناوچەگەرێتی و شارچێتییان
بەرانبەر یەکتری لای دروست دەبێت،کە هۆکاری سەرەکی دروستنەبونی یەکێتی نەتەوەیی و
یەک گوتاری دەبێت،وەک ئەوەی ئیستا،لەکوردستاندا،دروستبوە،کە بەپلەی یەکەم پارتی
دیموکراتی کوردستان لێی بەرپرسە،بەندە بەتەواوەتی دژی شارچییەتی و خۆبچوکردنەوەی
مرۆڤەکانم،بۆ ئاستی بینی تەنیا شارودەوروبەرەکەی خۆی،هەمیشە لایەنگری بان شار و
گوتاری نەتەوەییم
بەڵام گوتاری نەتەوەیی ڕاست و زانستی،نەک
گوتارێکی نەتەوەیی ڕوکەشی کاتی،بۆ موزایدەی سیاسی و گەوجاندنی خەڵک و هێنانەدی
مەرامی کەسی و پاراستنی بەرژەوەندی حیزبی،سەرباری ئەمەش ئەوەی پارتی،لەدوای ٢٠٠٥
بەرانبەر سلێمانی و هەڵەبجەوگەرمیان وڕاپەڕین وچەندناوچەیەکی پارێزگای هەولێرکردویەتی،بەتەواوی
دەچێتە خانەی ناعەدالەتی جوگرافی و پەراوێزخستنی شارەکانی تر،کە ئامانجی دوایی،لەم
کارە ئەوەیە هەمیشە شارەکانی تر،لەروی ئابورییەوە چاویان،لەدەستی پایتەخت بێت،کە
سیمایەکی دیاری سیمایەکی دیاری سیستمە تاکڕەوەکانە. پارتی کە بەهۆی ٣١ ئاب و ڕێککەوتنی
ستراتیژییان،لەگەل یەکێتی هەردوپۆستی سەرۆکی هەرێم و سەرۆکی حکومەتیان بۆخۆیان
بردوە،لەوڕێگەیەوە پرۆسەی پەراوێزخستنی شارەکانیتریان ئەنجامداوەوسلێمانی زۆرترین پشکی بەرکەوتوە،بۆئەوەی هەمیشە،لەڕوی ئابورییەوە
پاشکۆی پایتەخت بێت وچاوی،لەدەستی پایتەخت
بێت.
بۆنمونە،لەماوەی نیوان سالانی ٢٠٠٦_٢٠١٥
واتە،لە ٩ نۆ ساڵدا،تێکڕای ٤٢ ملیار دۆلار وەبەرهێنان بوە، بڕی ٢٤ ملیار
دۆلاری،لەشاری هەولێر بوە،تەنیا ١٣ سیازدە ملیاری،لە سلێمانی بوە،ئەمەش رێژەی
بێکاری لە هەولێر کەمکردوە و لەسلێمانی زۆری کردوە.
خاڵیکی تر،بەمەبەست کێڵگەنەوتیەکانی سنوری
پارێزگای سلێمانی وهەڵەبجە پرۆسەی
پەرەپێدان تیایاندا،وەستێنراوە و لە کێڵگەکانی هەولێر و دهۆک بەردەوام بوە،لەوانە
کێڵگەی چیا سورخ،کە بەتەنیا لەیەک بیردا،١٨ هەژدە هەزار بەرمیل ڕۆژانە بەرهەمی
هەبوە،بەلام پەرەپیدانی تێدا،راگیراوە.هاوکات هەردو پالاوگەی بازیان و کەلەک،کە هەردوکیان حکومەتی عێراق دروستی
کردون،کەچی ئێستا پالاوگەی کەڵەکە ڕۆژانە توانای پالاوتنی ٨٥٠٠٠ هەشتاوپێنج بەرمیل
نەوتی هەیە،بەلام پالاوگەی بازیان توانای پالاوتنی تەنیا ٣٠_٣٥ هەزار بەرمیلی
هەیە،بەوهۆیەشەوە،وەزارەتی سامانە سروشتییەکان وەک سزا،بۆ هەر بەرمیلێک پاڵاوتن ١٧
دۆلار دەداتە پالاوگە کەلەک بەلام تەنیا ٧_٨ دۆلار دەداتە پالاوگەی بازیان،هەردو
پالاوگەکەش بەدەست کۆمپانیای حیزبییەوەن.
سەرباری ئەمانەش کۆی پارەی نەوتی فرۆشراو
لەڕێگەی بۆری و تانکەر و موشتەقاتی نەوت و غازی شل هەموی دەچێتە بانکی کوردستان و
هەرئەویش پرۆسەی گۆڕینەوەی دۆلار بۆ دینار ئەنجام دەدات،کە ڕۆژانە قازنجێکی گەورە
دەکات.
پێویستە
بوترێت،لەم پەراویزخستن و بنیاتنانی حوکمی ناوەندێتییەدا،هەمو حیزبەکانی دەرەوەی
پارتی،کەلەساڵانی ڕابوردو ئێستاش،لەحکومەتدا،بەشدارن ڕۆڵیان هەبوە،چونکە بێ دەنگی
و بەشدارییان واتەی زەلیلی سیاسییە،کە ناتوانن خۆیانی لێ بێ بەری بکەن وبۆنمونە،بەردەوام
لە ٥ کەسی ئەنجومەنی هەرێمی نەوت وگاز بەردەوام ٢ دو کەسیان،لەدەرەوەی پارتی بوە، پێویستە ئەو پرۆسەیە رابگیرێت و ئەو بارە ناهاوسەنگە ڕاست
بکرێتەوە،چونکە تەنیا ئەوە خزمەتی یەک گوتاری و ڕیفراندۆم و بڕیاردان،لەمافی
چارەنوسی نەتەوەیمان دەدات.