aso
هەرێمی سەوز و زەرد
سەرخێڵ سەلاح


تا بینە قاقای خەرق بوەە لە قەیران و كێشەی ئابوری و سیاسی و دزی و گەندەڵی و دیار نەمانی داهاتی نەوت و نەبونی سەروەری یاسا پارچە پارچەی و سەركردەو و سەرۆك پەرستی ئایا لە ڕیفراندۆمی چی و چی ئەگۆڕێت لە داهاتووی ژیانی هاوڵاتیانی ؟

بڕوام نەبوو شیعاراتی ڕیفراندۆم و خەیاڵ پڵاوێ و مەهزەلەی فرۆشتنی ئەم هەرێمۆكە ببێت بە ڕاست كە میدیا و سێبەرەكانی دەسەڵاتی پارتی ماوەیەكە مێشكی خەڵكیان پێ بردوە !

هەرێمی سكۆتلەندای بەریتانیا خاوەنی بەهێزترین پێگەی گرنگی ئابوری و سیاسی بوو. خەڵكەكەی دەنگیان بە نەخێردا بۆ جیابونەوە، بە هۆی گرنگی مانەوە لە ناو چوارچێوەی ژیانی دەوڵەتێكی بەهێزی بەریتانیا.

نمونەی باشوری سۆدانیش ئەگەرچی خاوەنی نەوت و سامانێكی زۆرە لە ڕێگەی ڕیفراندۆمەوە كە پشتگیری گەورەی نێودەوڵەتیشیان هەبوو جیابونەوە و بوون بە دەوڵەت بەڵام وڵاتەكە یان خەرقە لە گەندەڵی و پاشانگەردانی و پەشیمانی و نمونەی دەوڵەتی شكستخواردوە لە جیهاندا.

بڕوای موتڵەقم هەیە هیچ كوردێك نیە خەونی سەربەخۆی و بوونی دەوڵەتی كوردی نەبێت. من سەردەمانێك لە پێش خەون و ئاواتە تایبەتیەكانی خۆمەوە گەورەترین خەونم بنیاتنانی دەوڵەتی كوردی بوو، بە داخەوە ئەزمون و دەسەڵاتی خراپ و ڕەشی ڕابردووی حوكمڕانی كوردی زۆر پەشیمانی كردینەوە.

ئەزمونی درێژی دەسەڵاتدارانی ئێستا ڕۆژ بە ڕۆژ ناشیرینی و كارەساتی گەورەتر دەنوسێتەوە لە بەر ئەوەی لە خزمەتی ژیان و پاراستنی خەڵكی كوردستان نییە بەڵكو بۆ بەرژەوەندی بنەماڵە و نوخبەیەكی كەمینە كار گەیشتۆتە ئەوەی ئامادەن یاری بە چەند ساڵ خەون و خەباتی ڕابردوو و داهاتو چارەنوسی خەڵكی كوردستانیشەوە بكەن لە ژێر ناوی ڕیفراندۆمێكی گاڵتەجاڕانە كە میللەت ئامادەی نییە و تەنانەت سیاسیەكان و حیزبە كوردێكان لە ناو خۆیاندا تەباو یەك دەنگ نین ئاشتەوای سیاسی و ئەمنی بوونی نییە چەندین. ساڵە ناوچەی سەوز و زەرد ڕوونە لە ژێر هەژموون و ئەجێندای دەوڵەتانی دروسێدایە و یەك گوتار و یەك دەنگ نین ئەبێت ڕیفراندۆم چی مانایەك و خێر و خۆشی لێ بكەوێتەوە بۆ خەڵكی ماند و هیلاكی دەستی ئێوەی خۆفرۆش و وڵات فرۆش ؟

لە بری ڕیفراندۆمی گاڵتەجاڕی كاری ڕاست و دروستان بۆ گەڕاندنەوەی ناوچە دابڕاوەكانی كەركوك و خانەقین بكردایە باشتر نەبوو ؟

ڕیفراندۆم بە بێ ناوچە دابڕاوەكانی چی مانایەكی هەیە كە جاری پێشوو لە ( ٩٩،٨ %) خەڵكی كوردستان بە دڵ و بڕوایەكی گەرم و بە بێ گومانەوە دەنگی (بەڵێی )یاندا بۆ سەربەخۆی كە هێشتا وەك ئێستا ڕووی ڕەش و دوو ڕویتان وە دەرنەكەوت بوو چونكە خەڵك بەنجی هەست و سۆزە نەتەوەی و نیشتیمانی بەری نەدا بوو ئەنجامەكەی مەرەكەبی سەر كاخەز زیاتر نەبوو.

دڵنیام ڕیفراندۆمی ٢٥ ئەلول كە بە تەنها سەۆكی پارتی بارزانی بە سەر لەقاندنی حیزبۆكەكانی دی بڕیاری لە سەر دراوە لەوە باشتر نابێت جگە لە یاری كردن بە ئەنجامەكەیەوە كە كارەساتی گەورە لەوەدایە ئەنجامی دەنگدانی میلەتێك وەكو كارتی فشار و یاری بۆ دەستكەتی مادی و دەسەڵاتی تایبەتی بنەماڵەیی حوكمڕان بەكار بهێنرێت لە گەڵ دەوڵەتانی دوژمنی كورد بۆ دروست كردنی هەرێم و ویلایەتێكی وابەستەی ئابوری و سیاسی توركیا كە جگە لە چارەڕەشی بۆ داهاتوی خەڵكی كوردستان هیچ ئەنجامێكی نابێت.

پرسیار؟ ئایا ٢٦ ساڵی حوكمڕانی یەكێتی و پارتی شەڕ و نەهامەتیەك نەما بە سەر خەڵكیدا نەهێنن تا گەیشتە هێنانی هێزی دوژمنانی كورد لە سوپای سەدام و ئێران و توركیا بۆ لە ناوبردنی یەكتری ئایا چی گەرەنتیەك هەیە چەند ساڵی داهاتوو هەمان ئەزموون و شەڕو گەندەڵی و دزی و مافیاگەریتان دوبارە نابێتەوە لە پێناو كورسی سەرۆكایەتی دا ؟

ئەگەر سەرۆكی پارتی كە چەند جار ماوەی سەرۆكایەتی كورسی حوكمڕانی دەسەڵاتەكەی بە نایاسای و دوور لەئیرادەی هەموو خەڵكی كوردستان بۆ درێژ كراوە لەمڕۆدا وازی لە دەسەڵات بهێنایە و نێت باشی پرۆژەی بۆ هەڵبژاردنێكی ئازادانە و دۆزینەوەی ئەو هەموو قەیرانانەی بە سەر خەڵكیدا هاتوە لە سایەی دەسەڵاتی خۆیاندا تا گەییشتن بە داخستن و پەك خستنی پەڕلەمانی كوردستان كە ئەمە لە مێژووی هیچ میللەتێكدا نەبووە چونكە خەڵك بە هەڵبژاردن دەنگ بە پەڕلەمان دەدات و هەر خەڵكییش لە مان پرۆسەدا متمانەی لێ وەردەگرێتەوە بەڵام بارزانی وەك داخستنی دوكان و بازاڕ پەڕلەمانی داخست و پەڕلەمانتارەكانی ناردەوە ماڵەوە بە یاسای دارستان و تاكە كەسی و مێنتەڵێتی خێڵەكی درێژەیان درێژەیان بە حوكمیڕانی تاكەكەسی .

ئەگەر لە پێش ڕیفراندۆم دەست بكرێت بە كاراكردنەوەی پەڕلەمان و باش كردنی ژیانی خەڵكی و هەڵبژاردنی ئازاد و دیاركردنی سیستەم حوكمڕانی و دیموكراسی بە بونی دەستور كە هەموە ئەمانە پرۆسە و كاتێكی درێژتری دەوێت و پاشان هەوڵدان بۆ ئەنجام دانی ڕیفراندۆم و جیابونەوەی هەرێم ئەنجامێكی (بەڵێ) ی ئەرێنی دەبێت بەڵام مەحاڵەكە چونكە بارزانی قۆرخی دەسەڵاتی كردوە بیركردنەوەی لە ڕیفراندۆم ئەكرێ ڕێگاو ئامرازێكی دی بێت بۆ مانەوە لە كورسیە تاكڕەو و بێ خێرەكەی بۆ كوردستان ...

PM:05:03:11/06/2017
زیاتر ...