سۆرانی مامەحەمە""  بوە  قسەی زاری ڕۆژنامەوان و چالاکوان" بەڵام بەویان پێ نەکرا جگە لە پاگهەندەی سیاسی "  لەکوێن  ئەوانەی دەیانگوت ئێمە سەردەشت عوسمانین  ؟  کــوان ئەوانەی دەیانوت ئەرکەکانی کاوە گەرمیانی دەگرینە ئەستۆ و بەردەوام دەبین لە مانگرتن و چالاکیە مەدەنیەکان" لەکوێن ئەوانەی ناوەندی شەقامەکانیان گرتبوو دەیان وت   ئێمە هەموومان کاوە گەرمیانی ن !؟

5 ی ئایار 2010  یەکەمین وێنەی مەرگی ئازادی خوازێک لە پایتەختی هەرێمی باشور"  شاری پــتەوترین شوراو پەرژین کراو لە تیرۆرست"  بڵاو کرایەوە ئەو لەخاچ درابوو دواتر ڕۆحیان دەرکردو جەستەیان لە لێوار شەقامێکی پڕ لە خەڵکدا جێـهێشت .
 ئەوان سەرەتا  لە هەولێر قۆڵبەستیان کردو  پیاسەیەکی ناو شاریان لەگەڵداکرد بردیانە سەری ڕەش و لەوێ  ویستیان بوو کڕونوشی پێ بەرن" لەبەر پێیەکانی بەچکە ستەمکارێك " ئەو کوڕی کۆلکە دیکتاتۆرێکە بەهەمان سیستەم و یاساکانی بەعس دادوەری لەسەروەری داماڵیوە  خۆی خاوەنی هەموو بڕیارێکی  ناوچەکەیە ، سەردەشت عوسمان کڕنوشی نەبرد بکوژو بەکرێ گیراوەکانی ڕاوێژکاری ئەنجومەنی ئاسایش" بردیانە دەروازەی موسڵ و لەوێ تیرۆریانکرد.

 لە داتای حوکمی  پارتی و یەکێتیدا  گۆڕانکاری  ئەوتۆ ڕوی نەداوە دڵنیابن لەم جۆرە تیرۆرکردنانە دوپات دەبنەوە " لە پای ئەم دیکتاتۆری و سیستەمە شکستخواردوە، دولایەنی زلە هێزی هەرێمی کوردستان مافیاو بازرگانی گەورەی جیهانی دوکۆمپانیایی زلەهێزو خۆسەپێن"  سۆران و سەردەشت و عەبدل ستارو  کاوە گەرمیانیان تیرۆر کردوە  تا ئازادی بمرێنن و قڕوقەپ بە خەڵکی مەدەنی ئەنجام بدەن تا ڕاستیەکان نەگوێزرێنەوە شەقام خەڵك هۆشدار نەبێت " بەپێچەوانەوە بە گیان بەخشینی ئەوان  جوڵەی شەقام و هاوڵاتیان بوە هۆکاری  ئەمڕۆو هێدی هێدی بەرگی دیکتاتۆریان وەردەگێڕین و  

هاوڕێــیـان شەهیدانی قەڵەم  لەجاوەڕوانی ئێوەدان  کەدەڵێن ئێمە هەمومان سۆران و سەردەشت و عەبدل ستارو  کاوە گەرمیانین "  ئەو بەدەنگی خۆی لەسەر گڵکۆو مەزاری دەڵێت ئێستا کاتی بێدەنگی نیە  سەرۆك باڵی گرتوە" ئەو  بەدەنگێکی بڵند هاوار دەکات باڵەکانی بــبڕن و پێیەکانی بشکێنن" ئەو بکوژانە  بەمەرگی من  کۆتایی پێ نایات دڵنیام لەوەی ئێوەش بوێرانە کاری خۆتان و نۆرەی ئێوەش دێت ، من پێمخۆش بوو گەیشتم بەم مردنە  ئەمکۆچەی من کۆچێکی یەکجاریە لەنێو ئێوەی ئازادیخوازدا بەڵام لەگەڵ ئازادیدا ماوم و وێنەو ڤیدۆو پەیامەکانم وەكخۆم لێرەن و لەگڵتاندا ماومەتەوە.

خۆتان مەشارنەوە و مەترسن بوێرانە ڕوبەڕوی هەر بەرپرسێك ببنەوە هاوشێوە من لەسەر شەقامەکان وێنەی گەندەڵ کاران بەرز بکەنەوەو لەسەر وێنەکان تەواوی تاوانەکانیان بنوسنەوە ، دزین و تاڵانی هەربەرپرسێك چۆن کراوە گەندەڵی و جۆری پیشەکانیان ئاشکراکەن  ، کاتێك بەئێوە دەگوترێ ڕۆژنامەنوس و چالاکوانی مەدەنی  دەبێت قۆڵی مەردایەتی هەڵکەن و وشەی گورس وەشاندن ڕوبەڕوی هەر بەرپرسێك بکەنەوە تا ڕیشە کێش دەبن  .

هاونیشتمانی وڵاتانی دیموکرس"  له‌ ڕێگای قسه‌کردنه‌وه‌ ده‌توانن کاریگه‌ریان هه‌بێت لەسەر حکومەت و بەرپرسیاری دەزگاکان" ئەم زانیاریە هاوڵاتیانی  کوردستان بە ئاگان و سەرجەم چەمکە دیموکراسیەکانیان کردوە بە سەرەتای ڕوبەڕو بونەوەکان دژ بە خراپ بەکارهێنانی حکومەت، هەر لەبەر ئەوەیە به‌ری ئازادی به‌رناده‌ن و به‌رده‌وام ده‌بن بۆ ئازادی بیرووڕای سه‌ربه‌خۆ.
ئێمه‌ به‌رده‌وامین له‌ئازادی ڕاده‌ربڕین وه‌تێده‌کۆشین بۆ بەدەستهێنانی سەروەری گەل و یاسا تا پەرلەمانێکی تەندروست و حکومەتێکی یاساییمان هەبێت لە هەرێمی باشوری کوردستان
ئه‌وکوردستانه‌ی که‌ ئازادی و ئاسایشی تیا به‌رقه‌رار نیه له‌سایه‌ی حکومه‌ته‌که‌تانه‌وه‌‌یه‌ که‌ ته‌نها خۆتان متمانه‌ی پێ ده‌که‌ن !


سۆرانی مامە حەمە
سۆرانی مامە حەمە نوسینەکانی زیاتر دژی خیانەت و گەندەڵی دەسەڵاتی کوردی بوون. لە یەکێ لە نوسینەکانیدا باس لەوە ئەکات کە خیانەت لە ناو دەسەڵاتی کوردیدا بۆتە فەلسەفە و فاکتەرێکە بۆ مانەوەیان لە دەسەڵات. بۆ نمونە ئەڵێ "ئه‌وانه‌ی ئه‌مڕۆ خۆیان به‌ سیاسی و خاوه‌ن خه‌باتی کوردایه‌تی ئه‌و هه‌رێمه‌ ده‌زانن، له‌ خۆیان وردبونه‌ته‌وه‌ که‌ ئایا، ته‌نها ڕۆژێک خه‌بات و سه‌روه‌رییان هه‌یه‌ بۆ بزاڤی ڕزگاری خوازی دۆزی کوردان له‌ مێژودا، جگه‌ له‌ کورد کوشتن و خیانه‌تی نه‌ته‌وه‌ییو بون به‌ کۆیله‌و جاسوسی ووڵاتانی دراوسێ و جیهان"


سەردەشت عوسمان
سەردەشت جگە لەوەی کەسانی پەیوەندیداری ئاگادار کردبوەوە لە هەڕەشەی کوشتن لێی، بابەتێکیشی بڵاوکردوە. لە بابەتەکەیدا بە ئاشکرا داوا لە بکوژەکانی ئەکات کە مەرگێکی شایستە بە ژیانەکەی پێ ببەخشن و ئەڵێ "دوعاش ده‌كه‌م مردنێكی تراژیدیام پێببه‌خشن كه ‌شایسته‌ی ژیانه‌ تراژیدیاكه‌م بێت. بۆیه ‌ئه‌م قسانه ‌ده‌كه‌م تابزانن گه‌نجه‌كانی ئه‌م وڵاته ‌چ هۆلیسۆسێكن و مردن ساده‌ترین هه‌ڵبژاردنیانه‌، بۆئه‌وه‌ی تێبگه‌ن كه ‌ئه‌وه‌ی ئێمه ‌ده‌ترسێنێت به‌رده‌وامی ئه‌م رۆژگاره‌ی ئێستایه ‌بۆ نه‌وه‌یه‌كی داهاتوو، نه‌ك مردنی خۆمان، كاری منیش خۆشبه‌ختی برا بچوكه‌كانمه، ‌نه‌ك خۆم"


کاوە گەرمیانی
کاوە گەرمیانی، سەرنووسەری گۆڤاری رایەڵ، شەوی پێنجشەممە 5.12.2013، لەبەردەم ماڵەکەی خۆیدا لە قەزای کەلار، بە دەستڕێژی گوللە کوژرا. تیرۆرکردنی کاوە گەرمیانی ڕێگیری بوو لە گەندەڵی بەرپرسان و سیستەمی حوکمڕانی هەرێمی کوردستان  تا بەرپرسانی هەرێمی کوردستان سڵبکەنەوە لەبونی ڕاستیەکان بەتایبەت ئەولایەنەی کاوە گەرمیانی زیاتر بەدواداچونی بۆ دەکردو ڕوبەڕوی دادگای دەکردنەوە " ئاشکرایە زۆرمان نوسی و زۆریش خوێندرایەوە.

لە ساڵیادی ڕفاندن و تیرۆر کردنی هەر یەکێکــــیان" یادی هەموان دەکەینەوە.