یەكێك لەو هۆكارانەی لەسەر ڕەوش و هێرشەكەی ڕۆژی 21/10/2016ی كەركوك باس
دەكرێت، بۆشایی ئەمنییە لەو شارە، كە پەیوەندی بەو حوكمڕانیە مافیا ئاسایەی
ناو پارێزگاكەوە هەیە، كە تەنیا خۆیان دەژێنن و ناتوانن ڕۆژی تێدا
بكەنەوە، هیچ بەرپرسێكی كەركوكی شەو لەكەركوك ناوێرێت بمێنێتەوە، لەگەڵ
تاریكی و لێڵیدا بە خۆیان و لەشكرێك لەپاسەوان و كەسی نزمەوە بۆ سلێمانی و
هەولێر دێن، نەوەك بەر تەقینەوە و توندوتیژی بكەون، خەڵكی بەش مەینەتیش
بەمجۆرە بە تەنیا بەجێدەهێڵن، زۆر لەو بەرپرسانە لەم شارانە نیشتەجێن و بون
بە بار بەسەر ژیانی خەڵكەوە و سەرقاڵی گەندەڵی و قۆرخكاری و دزین.
جگە لەوەی كەركوك و خانەقین بەرەو خاڵی بون لەكورد دەچن، چونكە كوردی ئەوێ
بە لێشاو لەشارەكانی سلێمانی و هەولێر نیشتەجێ بون، كە ئەمەیش مەترسیدارە و
زیان بە كورد بونی كەركوك و ئەو دەڤەرانەی ماددەی 140دەگەیەنێت، كە دەبێت
لەئایندەدا چارەسەر بكرێت و ڕێگەی لێبگیرێت.
یەكێك لەو خاڵانەی بوە
هۆی زەمینە خۆشكردن بۆ داعش ئەو كارەساتە بئافرێنن، پەیوەندی گەرم و گوڕی
كەركوكیەكانە لەگەڵ عەرەب، بە جۆرێك زۆر دڵشادن بە نزیكبونەوە و هاوڕێیەتی
توركمان و عەرەب، كەچی هەمان ئەم هەستەیان بۆ شارەكانی كوردستان و كورد
نیە، ئەوەی جێگەی داغ و سەرسوڕمانە ئێستا لەسلێمانی و هەولێریش پاڵپشتی
عەرەب بن و خانو و كاریان بۆ پەیدا دەكەن، لەكاتێكدا كەركوك خۆی وەك هەمو
گەلی كورد مارانگازی بەردەوامی دەستی عەرەب و توركمانە.
جگە لەوەی
دو ڕۆژی تەواو لەناو شاری كەركوكدا لەشكرێكی زۆر لەگەنجی خۆبەخش، كە لەهەمو
شارەكانی كوردستانەوە بۆ پاراستنی كەركوك چوبون و پێشمەرگە و هێزی هەولێر و
سلێمانی و ئاسایش و دژە تیرۆر سەرقاڵی تەنیا 70-80 داعش بون و ژمارەیەكی
زۆر شەهید و بریندار بەختكران، كە لەدەرەنجامی بێ پلانی و نەبونی ئاگایی
پێش وەختەوە بو، ئەگەر نا چۆن ڕێگە دەدرێت بە ناوی خۆبەخشەوە لەشكرێك
لەگەنج بهێنرێنە ناو كارەساتەكەوە و شەهید و بریندار بن، ئەی بەرپرسانی
ئەمنی و سەربازی و ئاسایشی شارەكە لەكوێ بون؟، بۆچی دەروازەكان هێندە كراوە
بون؟،پاڵەوانبازی بەردەم كامێراكانیش لەو لاوە ڕابوەستێت.
بۆیە جگە
لەهۆكارە نێودەوڵەتی و ناوچەییەكانی وەك پیلانی تورك و عەرەب و لایەنێكی
كوردی، بۆ ئەوەی پرسی شەڕی موسڵ و ئاراستەكەی بگۆڕن، لێ فاكتەرە
ناوخۆییەكان ئاسانكارتر بون،پێش دوبارە بونەوەی هەمان كارەسات
لەدەڤەرێكیتری كوردستان، پێویستە خەڵك فشار لەهێزەكانی ئاسایش و سەربازی
بكەن، ئارامی و ئاسایشیان بپارێزن.
پێویستە چیتر ڕێگە بە عەرەب هەتا بە
ناوی گەشتیاریشەوە نەدرێت، بێنە ناو كەركوك و هەرێمەوە و ئەوانەی تا
ئێستایش ماون، بە فشار بكرێنە دەرەوە و بە ناوی ئاوارەیشەوە ئاسانكاری
نیشتەجێبونیان بۆ نەكرێت، لەكاتێكدا هەمو ناوچەكانیان ئازاد كراونەتەوە،
ئەوانەی لەناوەندە فەرمیەكاندا جێگیر كراون، كار و پیشە و دامەزراندنیان
هەڵبوەشێنرێتەوە و بگوێزرێنەوە، بێ گوێدانە تانەی هیچ لایەنێك، چونكە
ئاسایش و ئارامی هەر تاكێكی كورد دەبێت لەدابینكردنی ژیان بۆ دوژمن و
نەیارە عەرەبەكانمان لەپێشتر بێت.