خۆشەویستیو عەشقی درۆ، نوسەری درۆ ،ڕۆشنبیری درۆ،  بڕوا نامەی درۆ ، دەوڵەمەندی درۆ،سەرمایەی درۆ، دامو دەزگای درۆ  ، مێژووی درۆ ،پرۆژەی درۆ، زانکۆی درۆ سەدانو هەزاران درۆی ماڵ وێرانکەری تر ، کەواتە ئێستا پێویستمان بە ئامێرێکە بۆپێوانەی درۆ (درۆمیتەر) ێکە. کێشەکە لەوەدایە زانکۆکانی مەملەکەت نەیان توانیوە کەسانێک بەرهەم بهێنن دەست ڕەنگینو پسپۆری داهێنان بنو داهێنانێکمان بۆ بەرهەمبهێنن بۆ پێوانەی درۆ ،ئێ خۆ مایەی شەرمەزاریشە داوا لە کۆمپانیای مایکرۆسۆفت بکەین ئامێرێکمان بۆ دروست بکا بۆ پێوانەی درۆ وەک مەدالیا بیکەینە ملی درۆ کەران تا ڕێژەی زەبەلاحی درۆ کانمان بۆ بخوێنێتەوە ، ئامێرێکی مۆدێرنی ئەلەکترۆنی دیجیتاڵ و بێ درۆ ، بۆ ئەوەی هەرکات هەر کارەکتەرێک دەرکەوتو ، درۆی فەرموو بیدەینە بەر تیشکی ئەوئامێرەو ڕێژەی درۆکانی دیاری بکاو ڕوی ڕەش بکا  ،کەواتە لەبەر ئەوەی تا ئێستا ئەو ئامێرە دروسەت نەکراوەوە،  ئەرکەکە قورستر ئەکات ، ئەبێت ئەم کەشفکردنی درۆیە دەستی بێت ، بەرەو ڕوی مێژوو نوسان بکرێتەوە لەبەر نەبونی وەها دەسگایەک  ، دیارە ئەم کارەش لە مەملەکەتێکا کە درۆ بوە بە کۆڵەکەیەکی قورسو داکوتراو، وا ئاسان نیە جیاکردنەوەی درۆ لە راستی لەکاتێکا ڕاستی بوە بەتەیری عەنقا ناسینەوەی ئاسان نیە ، ئەم ئەرکەش بەرۆکی مێژوو نوسان ئەگرێت کە ئەمانەتێکی قورسەو گەیاندنی بە لاپەڕەکانی مێژوو وەک خۆی وبێ درۆو دەلەسە ، نەک وەک هەندێ لەو میژوو نوسانەی سوێنمان بەسەریان ئەخوارد ، بەڵام لە بەر بەدەستهێنانی   خانویەکو بڕێ پارەو موچەیەکی مانگانە درۆ قبوڵ ئەکات، بە درۆ ئەڵی ڕاست ، یا ئەو چەپانەی لە ئێستادا بە شانو باڵی ئاغاواتا هەڵئەدەن و ساڵی دوو جار سونەتی عەمرە ئەکەن ، یا ئەو نەتەوەپەرستو ڕەگەزپەرستانەی سوێند بە سەری مارکس ئەخۆن ، لێرەدا پێویستە  ئەوە لە یاد نەکەن هەموو دەسەڵاتی ناپلێۆن نەیتوانی درۆیەکی بۆ پینە بکاو لە مێژوو دا بە راست بۆی لە قەڵەم بدات، یاخود لەشەوێکی سوردا کە بۆ  لویسی شانزە سازکرابوو، کاتێک خانەدانەکانی پاریس لە پرۆسەیەکی ماستاو کردندا دەرەلنگی پانتۆڵەکەی لویسیان هەڵگێڕایەوە بۆ ئەوەی باراناویی کۆشکی ڤێرسای تەڕی نەکات ، بەهەموو تواناو پارەکانیانەوە نەیان توانی ئەو شەرمەزاریەیان لە تۆماری مێژوو بدزنەوەو نەهێڵن تۆمار بکرێت هەر بۆیە ئەرکی هەموو ئەو قەڵەمانەیە کە مێژوو ئەنوسنەوە لەبەر نەبونی ئامێری درۆ میتەر مێژویەکی پاکو پوختەو بێ درۆمان بۆ بنوسنەوە ، ویژدان تیایدا باڵا بێت و بڕیار بدا تاکو هەر هیچ نەبێت مێژویەکی بێدرۆ بۆ نەوەکانی داهاتوو ببێت بە میرات  تا مێژووش بە دەردی سامانی سروشتی وڵات بە تاڵان  نەچی .