1)هەرێمایەتی ئەگەر بگەڕێینەوە بۆ ئەرشیفی میدیایی ئەو دەوڵاتانە تێدەگەین كە بە چ نەفەسێكی دوژمنانە قسەیان دەكرد و دواجار سنورەكان زەوی و ئاسمانیان لێ‌ داخستین.

2)لەسەر ئاستی نێودەوڵەتی بە پێوەری بەرژەوەندی خۆیان ڕیفراندۆمیان پێوا ، پێم وابێت هیچ حسابكردنێك بۆ ئەو مەبادیئانەی ناویان نابوو دیموكراسی و مافی مرۆڤ تەنها بەرژەوەندی پێوەر بوو.

3)لە ئاستی ناوخۆییدا جەماوەر و مێژوو دیوی ڕاستەقینەی هەندێ لەو لایەنانەی بۆ دەركەوت كە كردار و گفتاریان وەك ئاسمان ڕێسمانە دەركەوت كە لەسەر بنەمایی بەرژەوەندی خۆیان كار دەكەن نەك لە بەرژەوەندی گەلی كوردستان بۆیە ببونە بڵند گۆی دوژمن و شەڕی دەرونیان دژی بیری نەتەوەیی و سەربەخۆیی بەڕێوە دەبرد دەیان وت ناسیۆنالیستی كورد شكستی هێناوە.

4)لەسەر ئاستی جیهانی ئیسلامی وەك هەموو ئەو ستەم و جینۆسایدانەی بەرامبەر كورد كران بێدەنگ بوون لە ئەنجامی ڕیفراندۆمیش كاردانەوەیكی دوژمنكارانەیان هەبوو تا گەیشتە ئەو ئاستەی بێ جیاوازی شیعە و سونە  بە زمانی زبرو ناخی پڕ لە كینە بەرامبەر كورد وەستانەوە هەتا ئەو شوێنەش كە جیهانی ئیسلام پێی دەڵێت (ئەزهەری شەریف) زمانی گرت و دژی ڕیفراندۆم وەستایەوە بە مەرجێك لە هەموو عێراق و ناوچەكەدا تەنها لە كوردستان جێگەیان بوویەوە.

لە كۆتایی دا سەڕەڕایی نا ئومێدی خەڵك دوای ڕیفراندۆم كە بەهۆی دەرهاویشتنەكانی ریفراندۆم باڵی بەسەر خەڵكی كێشابوو لەدوای 16ی ئۆكتۆبەر جەنگێكی دەرونی چڕ دژی گەلی كودستان سەربەخۆ خوازان نائومێدیەك بڵاو بویەوە بەڵام ئێستا جەماوەر هاتۆتەوە هۆش خۆیی و لە جاران سورترە لەسەر داوای سەربەخۆی ئەمەش دەستكەوتێكی مەعنەوی گەورەیە جگە لەوەی 25/9/217 بووە هۆی لەت كردنی مێژوو یان مێژوویەكی نوێ، ئێستا كورد پێش ڕیفراندۆم جیایە لە كورد دوای ڕیفراندۆم كوردی پێش ڕیفراندۆم گفتوگۆی قسەكردنی لەسەر بڕیاری وتران و نەوترانی بۆ سەربەخۆیی كوردستان وێران و نەوێران شەڕی ئیرادە كوردی دوای ڕیفراندۆم كوردێك تێگەیشت لەتەواوی سیاسەت لە گەمەو ویژدانی نێودەوڵەتی، كوردێك تێگەشت لەبەرژەوەندی نەتەوەكان كوردێك تێگەیشتن لەجیهانی ئیسلام و موسوڵمانان كەهەمیشە بەناوی هەموومان براین موسوڵمانین خەڵەتاندیانین ڕیفراندۆم تێیگەیاندین برایەتی موسوڵمانان لەگەڵ كورددا وەك برایەتی یوسف و براكانی وایە.

بۆیە ڕیفراندۆم پانتایی خەونەكانی كوردی گەورە كرد بۆیە ئەگەر دەرئەنجامی ڕیفراندۆم بو بە شۆكێكی كاتی بۆ ئێمەی كورد ئەوا بوو بە شۆكێكی هەمیشەیی دەروونی بۆ دوژمنانی كورد و جیهانیش تێگەیشتنی تەواویان هەیە كە كورد چی دەوێ ، ئەمە وەڵامی پرسیاری سەد ساڵ بوو ماوەتەوە بڵێین ساڵێك بەسەر ڕیفراندۆم دا تێدەپەڕێ پێویستە 25/9 بكەینە ڕۆژی ئیرادەو بەخۆداچوونەوە و گفتووگۆی جدی بنیادنەرانەی نێوانمان چونكە گۆڕانكاریەكان ئەوەیان بەوانە سەلماند كەدژی بەڵی بۆ سەربەخۆیی بوون بەڵێ لە جێی خۆی دا بو دەكرێ ئێستاش بێنەوە سەر هەمان ڕێگا كە ڕێگای هەموو كوردە كار  بۆ ئامانجی ڕیفراندۆم بە قۆناغ بكەین لەسەر ئاستی فكر و پەروەردە و دبلۆماسی بكرێتە ڕۆژێك بۆ تێگەشتن لە خۆمان و ناسینی ئەوان ئەمەش دەبێت تەجاوزی ڕقی ناوخۆ بكەین.