بۆ چوارسال دەچێ ، لە سایەی ئەو سیاسەتە مالباتیە جوتخێزانیەی دەسەلاتی پاوانكاری هەریم لەگەل بەغدا پیادەی دەكات ، موچەخۆران وهاولاتیانی هەریم ، لە مەنگەنەی پەیوەندی نیوان هەریم وبەغدا دراون و هەژارییەكی كوشندەو داتەپینێكی ئابوری ، بەرۆكی هەرێمی گرتوە . دەسەلاتی حیزب و خزم لە هەرێمدا ، ئیرادەی بریاری حوكم و ئیدارەو دارایی هەریمیان پاوانكردوەو خۆشیان بونەتە بارمتەی سیاسەتی ئەو ولاتانەی ، نایانەوێ ، كورد خێر لە مافە دەستوریەكانی خۆی لەعیراقدا ببینێ . ئەمەش بواری بۆ دەسەلاتی ئیتیحادی لە بەغدا رەخساند ، تا لەرێی برینی موچەو سیاسەتی واز لە یەكتری هێنانی هەولێرو بەغدا ، كوردستان حەوالەی رۆژی مەبادا بكرێ . بەلام رۆژی مەبادا ، گۆرا بۆ رۆژی ریفەراندۆم و هەموو ، عینادیەكانی دەسەلاتی حیزب و خزم لە بەرامبەر بەغداو ولاتانی هەریمایەتیدا ،زەلیل و زەبونكران . سەرەراش ئەم دەسەلاتە زەلیلە ، وەك فیرعەونی سەردەم ، شەرمی لە بەدرۆ گەڕانی ئەو بەڵێنانە نەكرد ، كە لە جانتاكەی ئاشتی هەورامی یەوە ، دەیانكردە پاساوی برسیكردنی خەڵك و ، ئەم جارە دەستێكیان گرت بەپاونی بەردەوامی دەسەلات و دەستێكی كورتیشیان بۆ بەغدا بردو ، بەبێ تەداروك ، چونەوە بەردەم مالی عبادی ! بێئەوەی سیاسەتێكی مەدروسیان ، لانی كەم بۆ جوانكردنەوەی روی خۆیان پێبێ  ، تا ئیستاش نەیانتوانیوە  تەكانێك بە تێپەراندنی قەیرانی دارایی بدەن !