كەس لەبیری ئەوەدا نەبوو ، هۆكاری ئەو چاو قایمی و بێمنەتیەی دەسەلاتدارانی هەریم لەبەرامبەر برسیكردنی كۆمەلانی خەڵك و دۆرانە سیاسی و ئابوری و دبلۆماسیەكانیاندا ، لە كوێوە سەرچاوەی گرتوە ؟! ، كەسیش نەیدەزانی ، ئەم گروپە حوكمرانە پاوانكارە لە حیزب و خزم ، پشت بەكام ئامراز دەبەستن بۆ مانەوە لە دەسەلاتدا ، كاتێ بێ منەتانە ، خەلكی خۆپیشاندەرو مامۆستاو فەرمانبەری خۆپیشاندانەكانیان ، شەقباران و خەلتانی خوێن دەكرد! هەموو ئەو هێزو لایەنانەش كە لەدەرەوەی بازنەی گروپی دەسەلاتی سولتانی جوتخێزاندا ، تەمایان لەسەر پرۆسەی هەلبژاردنە پەرلەمانیەكەی 12/5 ی بەغدا ، هەڵچنیبوو ، بیریان بۆ هیچ فاكتەرێك نەدەچوو ، كە ئەم دەسەلاتە جوتخێزانیە سولتانیە ، گرەوی مانەوەی خۆی لە دەسەلاتدا لەسەر هەڵچنێ! بەلام كە هەلمەتی هەڵبژاردنەكان كەوتە ناو گەرمەی چربونەوەی خۆیەوە ، تەنها ترسَیك كە جێی دودلی ئەو هێزانەو خەڵكبێ لە بەلارێدا بردنی پرسی هەڵبژاردنەكاندا ، ئەو گوشارانەبون كە دەكرایە سەر هێزە چەكدارەكان و فەرمانبەرانی بەدبەختكراوو هەژاركراوی حكومەت و لە بەرگی مەدەنیدا بە ترس و زۆرەملێ ، راپێچی هۆلە حیزبیەكانیان دەكردن بۆ ئەوەی ناچاری دەنگدانیان بكەن بۆ لیستەكانی ئەو دەسەلاتە جوت حیزبە خێزانیە . ئەمەش سەرەرای قەلەقی و تێكدانی ژینگەی هەڵبژاردن لە خەلكی دەنگدەر ، بەلام تا ئیوارەی  12/5 ، مەتەلی بێمنەتی ، ئەو گروپە خۆسەپێنە ، بۆ خەلك و لایەنەسیاسیەكان ، هەڵنەهێنرا ! لەو رۆژە بەدواوە هەموو شتێك ئاشكرابوو . چونكە ، راگەیاندنی ئاكامەكان ، خەلكی بە چەشنێ تاساند ، كە هیچ عەقل و لۆژیكێك ، نایبرێ ، ركابەران و بەرەی خەلك دەنگەكانیان دابەزێ و گروپی قەیران هێن و بەهەژاركردنی خەڵك ، متمانەی بەرز بێتەوە . تومەزم ئەو ئامرازەی شەرعیەتەكان هەڵدەگێرێتەوە و پرۆسەی دەنگدانی خەڵك بەرێوەدەبات ، كە كۆمسیۆنی بالای هەڵبژاردنەكانە ، بە شیوەیەكی حیزبی و پۆلیسی دەستەمۆكراوەو ، لەو ناسەقامگیریەش كە لە بێمتمانەیی خەلك و لایەنەكان بەرامبەر بەو كۆمسیۆنە دروست بوە ، ئامرازێك نیە دەنگە دزراوەكان بۆ خەلك بگێرێتەوە .