کەسێک لەنزیک بنکەیەکی پۆلیسدا تەقەی لێکراوە و بەوهۆیەشەوە گیانی لەدەستداوە.
سامان نادر بەڕێوەبەری سەنتەری فریاکەوتنی خێرای سلێمانی ڕایگەیاند" بەیانی ئەمڕۆ هەینی لە گەڕەکی چوارچرای شاری سلێمانی پیاوێک لەنزیک بنکەیەکی پۆلیس لەلایەن کەسێکی نەناسراوەوە تەقەی لێکراوە و چوار فیشەکی بەرکەوتووە".
ئاماژەی بەوەشکرد، پاش ئەوەی تیمەکانمان ئاگادارکرانەوە دەستبەجێ گەیشتنە شوێنی رووداوەکە، لە ئێستاشدا بە مەبەستی توێکاری تەرمەکەی رەوانەی پزیشکی دادی سلێمانی کراوە.
بە گوێرەی زانیارییەکان قوربانییەکە ناوی شوکرییە و تەمەنی نزیکەی ٥٠ ساڵ دەبێت و بەرپرسی کۆمیتەی شەهیدانی پەکەکەیە لە باشوور.