کۆمسیۆنی باڵای سەربەخۆی هەڵبژاردنەکانی عێراق ئەنجامی ژماردنەوەی دەستی دەنگەکانی کەرکوکی راگەیاند و کە هاوتای ئەنجامە ئەلیکترۆنییەکەیە.
عەلی عەباس بەرپرسی راگەیاندنی نوسینگەی کۆمسیۆنی هەڵبژاردنەکان لە کەرکوک رایگەیاندووە" ژماردنەوەی دەستی دەنگەکان بۆ ٤٨ وێستگەی دەنگدان تەواو بووە، کە پێشتر تانەیان لەسەر بووە".
هەروەها وتیشی " بەپێی جیاکردنەوەکان دەستی دەنگەکان، ئەنجامەکان هاوتابوون لەگەڵ ئەنجامە ئەلیکترۆنییەکاندا".
لە ١٠ی ئەم مانگەدا هەڵبژاردنی پێشوەختەی پەرلەمانی عێراق بەڕێوەچوو و تیایدا رەوتی سەدر زۆرترین دەنگی بەدەستهێنا و ٧٤ کورسی پەرلەمانی بردەوە. لە کوردستانیش پارتی ٣٢ کورسی و یەکێتی ١٦ کورسی و نەوەنی نوێ ٩ کورسی بەدەستهێنا.