گوهدار زێباری کە یەکێکە لە گیراوەکانی بادینان لە زیندانەوە پەیامێک بڵاودەکاتەوە" سەرباری فشارو ئازاردانمان بەڵام خۆراگرین و سەرمان بەقەت چیاکان بەرزە، دەنگی ئازادیش نە بێدەنگ دەکرێت نە دەکۆژرێت".
لەو پەیامەدا گۆهدار زێباری دەڵێت " سەرەرای ئەو ھەوڵ و زەخە زۆرەیی دەروونی و جەستەی بەرامبەرمان ئەکرێ ئێمە ھەر خۆراگرین و ئیرادەو سەرمان بەقەت چیاکانی گارە و مەتین بەرزە، لە ئاسایشی گشتی رەوشی ھاوڕێیانی بادینان بە تایبەت گەنجانی شێلادزێ زۆر خراپە،سەرۆکێ حکومەت ئەچێتە سەنگەرەکان و دەستی خۆی بە سەری دایکی شەھیدان دا ئەھێنێت، بەڵام گەنجانی شێلادزێ قاچێکیان لە شێلادزێ یە دژ بە داگیرکارانی تورکیا و قاچێکیان لە سەنگەری جەنگە دژ بە داعش ئاوھا پاداشتیان ئەدەنەوە کە رۆلەمانیان زیندانی بکەن؟".
پەیامەك ژ گوھدار زێباری ل زیندانێ بۆ ڕایا گشتی:
سلاڤ ل گەنج و تولاز و مێرێن كورد، كو ب وێرەكی و دلێریێ ناڤودەنگێ خو ھەیە، سلاڤ ل دایك و كچ و ژنێن كورد یێن كو ب كەزیێن خۆ لولیێن تفەنگا و دەبابێن دوژمان د چەمینن، سلاڤ ل قەلەم و دەنگێن ئازاد ل ناڤخۆ و رەڤەندا کوردی، ئەم ل ھەمبەر زەحمەتا وە سەرێ خۆ د چەمینین و خۆ قەردار دبینین، سەرەرای وان گڤاشتن و زخت و زوریێن دەرونی و جەستەییێ ل سەر مە ھەین ئەم ب ھێز و خوڕاگرن و سەرێ مە تەمەت چیایێن گارەو مەتینا بلندە، ل ئاسائیشا گشتی رەوشا ھەڤالێن بادینان ب تایبەت گەنجێن شێلادزێ گەلەكا خرابە سەروكێ حوكمەتێ د چیتە د چەپەراندا دەستێ خۆ ب سەرێ دایكێن شەھیداندا دئینیت، بەلێ گەنجێن شێلادزێ لنكەكێ وان ل شێلادزێیە دژی داگیركاریا توركیا تێكوشینێ دكەن لنگەكێ وان ل چەپەراندایە ل دژی داعشێ شەری دكەن و ب ڤی شێوەی پاداشتا وان دھێتە دان؟
سەرۆکێ ھەرێمێ دبێژیت دفێت یاسا سەروەر بیت، بلێ یاسا نەسەروەرە و ئازادی نەدھێت کوشتن.
رەوشا زیندانیێن شێلادزێ ل ئاسایشا گشتی رەوشاوان گەلەكا خرابە و چارە نڤیسێ وان نەدیارە لەورا داخازێ ژ كومەلگەھێن نیڤدەۆلەتی و ل ڕێكخراوێن مافێ مروڤی ل دەستھەلاتا دادوەری كو ب زویترین دەم بھێنە ئازادكرن، ھەروەسان مە یا داخازكری بھێینە ڤەگۆھاستن بۆ دەڤ ھەڤالێن خۆ داكو دەرونێ مە ئارامبیت لێ رێ ب مە ناھێتە دان.