ئه‌نجومه‌نی خۆبه‌ڕێوه‌به‌ری دیموكراتی شه‌نگال رایگه‌یاند، "به‌هۆی به‌رده‌وامی بۆردومانه‌كانی فڕۆكه‌ جه‌نگیه‌كانی توركیا و دروستبونی مه‌ترسی له‌سه‌ر هاوڵاتیان، بڕیاردرا به‌ راگرتنی ده‌وام له‌سه‌رجه‌م فه‌رمانگه‌ و به‌ڕێوه‌به‌رایه‌تیه‌كانی قه‌زای شه‌نگال".

ئه‌نجومه‌نی خۆبه‌ڕێوه‌به‌ری دیموكراتی شه‌نگال نوسراوێکی بڵاو کردەو و بەپێی نوسراوەکە، كه‌ ئاراسته‌ی سه‌رجه‌م لایه‌نه‌ په‌یوه‌ندیداره‌كانی كردووه‌ رایگه‌یاندووه‌، وه‌ك قه‌زای شه‌نگال و ناحیه‌كانی ده‌وروبه‌ری، بڕیاریانداوه‌ به‌ قه‌ده‌غه‌ی كاركردن له‌سه‌رجه‌م به‌ڕێوه‌به‌رایه‌تی و فه‌رمانگه‌ حكومی و ناحكومیه‌كان و كاركردنی سه‌رجه‌م رێكخراو و داموده‌زگاكان، تا كاتێكی نادیار، هەركەسیش سەرپێچی بكات خۆی بەرپرسیار دەبێت.

ئەم بڕیارە لە کاتێکدایە، شه‌وی رابردوو توركیا له‌ڕێگه‌ی فڕۆكه‌ی جه‌نگیه‌وه‌ بۆردوومانی باره‌گای ئه‌نجومه‌نی گه‌لی خانه‌سۆری له‌ سنوری قه‌زای شه‌نگال كرد.