لە گەڕەکی خەباتی شاری سلێمانی بەهۆی لێچوونی سۆپای غازەوە دوومنداڵ و دایکێک گیانیان لەدەستداوە و له‌ ئێستادا ته‌رمه‌كه‌یان ره‌وانه‌ی پزیشكی دادوه‌ری سلێمانی كراوه‌.

ئەمڕۆ یەکشەممە ٣٠ی کانوونی دووەم، سامان نادر بەڕێوەبەری سەنتەری فریاکەوتنی سلێمانی راگەیاند " ئاگادارکراینەوە، دایکێک و دوومنداڵ بەهۆی لێچوونی سۆپای غازەوە لە گەڕەکی خەباتی شاری سلێمانی گیانیان لەدەستداوە، دەستبەجێ تیمەکانمان گەیشتوونەتە شوێنی رووداوەکە و لێکۆڵینەوەیان لە رووداوەکە دەستپێکردووە".

به‌پێی زانیاریه‌كان، ژنه‌كه‌ی له‌دایكبوی ساڵی ١٩٧٢ه‌ و یه‌كێك له‌ منداڵه‌كانیشی كوڕ بووه‌ كه‌ ١٢ ساڵان بوه‌ و ئه‌و دیكه‌شیان كچ بوه‌ و ته‌مه‌نی ١٠ ساڵان بووه‌.

لەبارەی وردەکاری زیاتر لەسەر رووداوەکەوە بەڕێوەبەری سەرنتەری فریاکەوتنی سلێمانی رایگەیاند " لە ئێستادا ناتوانین وردەکاری لەسەر رووداوەکە بڵاوبکەینەوە، بەهۆی نەبوونی زانیاری پێویستەوە لەسەر رووداوەکە".