وەزارەتی پێشمەرگە بڵاویکردەوە، پێنج پێشمەرگە لە کاتی تەواو بوونی دەوامی فەرمی خۆیان و لەکاتی گەڕانەوەیان بۆ ماڵەوە توشی ڕووداوی هاتوچۆ بوون و یەکێکیان گیانی لەدەستدا.

ئەمڕۆ ١ی ئازار سێشەممە وەزارەتی پێشمەرگە لە راگەیەندراوێکیدا بڵاویکردەوە، لەسنوری گەرمەسێر پێنج لە پێشمەرگەکانی فەوجی ٣ی لیوای ١٩ی پیادە، لەکاتی گەڕانەوەیان لەدەوامی فەرمی تووشی رووداوی هاتووچۆ بوون و بەهۆیەوە یەکێکیان گیانی لەدەستدا و چواری دیکەش برینداربوون.

هەر لە ڕاگەیاندراوەکەدا باسی ئەوەشکراوە، ئەو پێشمەرگەیەی گیانی لەدەستداوە پرسەکەی لە شاری رەواندزە و بریندارەکانیش لە نەخۆشخانەی شار لەژێر چاودێری پزیشکدان و چارەسەر دەکرێن .