بەڕێوەبەرایەتی گشتی گەشتوگوزاری سلێمانی پێشبینی دەكەن بۆ جەژنی نەورۆز نزیكەی 100 هەزار گەشتیار روو لە پارێزگاكە بكەن.
عەلی رەوف، بەڕێوەبەری گشتی گەشتوگوزاری سلێمانی لە كۆنگرەیەكی رۆژنامەوانیدا رایگەیاند "80%ی هۆتێل و مۆتێلەكانی سلێمانی لەئێستادا پڕبوون لە گەشتیار، پێشبینی دەكرێت لە رۆژانی نەورۆزدا سەرجەم هۆتێل و مۆتێلەكان پڕبن لە گەشتیار، لە سێ رۆژیشدا زیاتر لە 20 هەزار گەشتیار هاتوونەتە سنوری سلێمانی و پێشبینی دەكرێت بۆ 100 هەزار بەرزبێتەوە".
سەبارەت بە بەرزبوونەوەی نرخی كابینەی گەشتیاری لە دوكان بۆ 500 دۆلار، ناوبراو ئاماژەی بەوەكرد "ئەو هەواڵە راست نییە، بەڵام كابینە هەیە دوو نهۆمە و شوێنی مانەوەی چوار بۆ پێنج خێزانە، دەكرێت ئەوە بۆ 48 كاتژمێر درا بێتە 500 دۆلار".