یاسای كۆمیسیۆنی باڵای هه‌ڵبژاردن و راپرسی له‌ هه‌رێمی كوردستان لەكۆبوونەوەی ئەمرۆی پەرلەمانی كوردستان په‌سه‌ند كرا.

بەپێی پەسەندكراوەكە كۆمیسیۆن بریتی ده‌بێ له‌ 9 ئه‌ندام و به‌ زۆرینه‌ی 2 له‌سه‌ر 3 له‌ لایه‌ن په‌رله‌مانی كوردستانه‌وه‌ هه‌ڵده‌بژێرێن.

له‌ یاساكه‌دا هاتووه‌ پێویسته‌ ئه‌ندامانی ئه‌نجوومه‌نی كومیسیۆن سه‌ر به‌ هیچ حزب و لایه‌نێكی سیاسی نه‌بێ و به‌شداری له‌ هیچ تاوانێكی رژیمی پێشووی به‌عس نه‌كردبێ. هەروەها كۆبوونه‌وه‌ی ئه‌نجوومه‌ن به‌ ئاماده‌بوونی زۆرینه‌ی ره‌های ئه‌ندامان ده‌بێ.