بەهۆی ژێرئاوكەوتنی بەلەمێكەوە لە کەناراوەکانی
لیبیا، دەوروبەری ٣٥ كۆچبەر خنكان کە تەرمی شەش کەسیان دۆزراونەتەوە و ٢٩ کەسیشیان
بێسەروشوێنن.
لە ڕاگەیەنراوێکدا ڕێكخراوی نێودەوڵەتیی كۆچ ئەمڕۆ
شەممە ١٦ی نیسانی ٢٠٢٢ ڕایگەیاند، "
لە كەناراوەكانی لیبیا بەلەمێک بە دەیان کۆچبەرەوە کە ویستویانە بگەنە ئەوروپا ژێر
ئاو کەوت، هەر لە ڕاگەیاندراوەکەدا ئەوەش هاتووە،
تائێستا تەرمی شەش کۆچبەر دۆزراونەتەوە و ٢٩ کەسی دیکەشیان بێسەروشوێنن کە بە ئەگەری
زۆرەوە خنکاون."
بەگوێرەی راگەیەنراوی ڕێکخراوەکە، تەنها لە هەفتەی
ڕابردوودا ٥٣ كۆچبەر كە ویستویانە لە لیبیاوە بۆ ئەوروپا كۆچ بکەن خنكاون یاخود بێسەروشوێنبوون.