بەڕێوەبەری بەرگری شارستانی سلێمانی رایگەیاند، پشکنینی سەرجەم پاشماوەی تەقینەوەی کافتریاکە کۆتای هاتووە و هیچ کەسێک لە ژێر پاشماوەی بیناکەدا جێ نەماوە بووە.

دیار ئیبراهیم بەڕێوەبەری بەرگری شارستانی سلێمانی باسی لەوەکرد،  سەرجەم پشکنین و پاککردنەوەکان بە دەست ئەنجامدراوە و بەتەواوی دڵنیابوونەتەوە لەوەی کەس لەژێر بەرد و بلۆکی پاشماوەی تەقینەوەکە جێنەماوە، بەڕێوەبەری بەرگری شارستانی سلێمانی وتیشی "پەنگخواردنەوەی غاز هۆکاری رووداوکە بووە."

باسی لەوەشکرد، بەهۆی رووداوەکەوە باڵەخانەی کافتریاکە کە دوو نهۆمە و ژێر زەمیننێکی هەیە، دوو نهۆمەکەی بەتەواوەتی رووخاوە."

ئەمەش لەکاتێکدایە، شەوی رابردوو کاتژمێر ١ و چوار خولەکی دوای نیوەشەو، لە کافتریایەکی سلێمانی تەقینەوە روویدا و بەهۆیەوە ١٤ کەس برینداربوون.