حکومەتی هەرێم لە هەوڵدایە ئەم مانگە ٢٥ ی ئایار دەستبکات بە دابەشکردنی مووچەی مانگی ئایار.
سەرچاوەیەک لە وەزارەتی داراییەوە بە " سپی " راگەیاند رۆژی پێنج شەممە لەلایەن گەنجینەکانەوە فەرمانگەکان ئاگاداركراونەتەوە کە بەخێرایی لیستی مووچەی مانگی ئایار ئاماده بکەن.
پێشخستنی دابەشکردنی مووچەی ئەم مانگە پەیوەندی بە نەختینەی پارەوە هەیە لە بانکەکانی کوردستان ئەوەش لە پای کۆکردنەوەی پارەی نەوت و هاتنی ٢٠٠ ملیار دینارەکەی بەغدا.
پێشبینیش دەکرێت لەسەرتاسەری هەرێم بە ناوچەکانی هەردوو پارێزگای سلێمانی و هەڵەبجە و هەردوو ئیدارەی راپەڕین و گەرمیانەوە بە شێوەیەکی سروشتی مووچە دابەشبکرێت.