کەمێک پێش ئێستا بەڕێوەبەرایەتی گشتی كەشناسی و بومەلەرزەی هەرێمی كوردستان پێشبینییەکانی كەشوهەوای ئەمڕۆ و سبەی پارێزگاكانی بڵاوكردەوە.
بەپێی پێشبینییەکانی کەشناسی هەرێم، ئەمڕۆ چوارشەممە بەگشتی ئاسمانی زۆربەی شارەکان ساماڵ دەبێت، لەگەڵ بونى تۆزێکی سووک، بەڵام لە کاتەکانی ئێوارەدا لە سنورى باشورى هەولێر و ئیدارەى گەرمیان تۆزو خۆڵەکە زیاتر دەبێت، هاوکات خێرای با لەسەرخۆ و مام ناوەند دەبێت (١٠ بۆ ٢٠) کم.
لە بەشێکی تری بڵاوکراوەکەدا کەشناسی هەرێم ئاماژەی بەوەکردووە، سبەینێ پێنج شەممە ئاسمان بەگشتی ساماڵ دەبێت، لە باشورى شارى کەرکوک ئەگەرى بەرزبوونەوەى تۆز و خۆڵ هەیە لەکاتەکانی ئێوارەدا، هەروەها پلەکانی گەرما دوو بۆ چوار پلەی سیلیزی لە ناوچە جیاجیاکاندا بەرزدەبنەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر: ٣٩
سڵێمانی: ٣٧
دهۆک : ٣٦
کەرکوک: ٤٢
هەڵەبجە: ٤٠
سۆران: ٣٨
راپەرین: ٣٩
گەرمیان: ٤٤