بەڕێوەبەرایەتی كەشناسی و بومەلەرزەزانی هەرێم رایدەگەیەنێت، ئەمڕۆ و سبەی كەشوهەوا گۆڕانكاری بەخۆیانەوە نابینن و ئاسمان بەگشتی ساماڵ دەبێت.
بەڕێوەبەرایەتی كەشناسی هەرێم، ئەمڕۆ بڵاویكردوەتەوە، ئەمڕۆ ئاسمان بەگشتی ساماڵ دەبێت لەكاتەكانی ئێوارە و شەودا بە هۆی زیاد بونی خێرایی با ئەگەری بەرزبونەوەی تۆزوخۆڵ هەیە، بە گشتی خێرایی با ١٠ – ٢٠ كیلۆمەتر دەبێت لە كاتژمێرێكدا لە هەندێك ناوچە چالاكتر دەبێت زیاد دەبێت بۆ سەروی ٣٠ كیلۆمەتر لە كاتژمێرێكدا، بە ئاراستەی خۆرهەڵات و باشوری خۆڕهەڵات، مەودای بینینیش ٧ – ٩ كیلۆمەتر دەبێت لە كاتەكانی ئێوارە كەمتر دەبێتەوە، پلەكانی گەرما نزیك دەبێتەوە لەگەل تۆمارەكانی دوێنێ.
راگەیەنراوەكە ئاماژەی بەوەشكرد " ئاسمان ساماڵ دەبێت بەهۆی زیادبونی خێرایی با ئەگەری بەرزبونەوەی تۆزوخۆڵ هەیە بە تایبەت لە ناوچەكانی باشوری هەرێم ، پلەكانی گەرما بە نزیكەی ١ -٢ پلە نزم دەبێتەوە لەگەڵ تۆماركراوەكانی رۆژی پێشو، خێرایی با لەسەرخۆ و مام ناوەند دەبێت ١٠ – ٢٠ كیلۆمەتر دەبێت لە كاتژمێرێكدا، بە ئاڕاستەی رۆژهەڵات، مەودای بینین ( ٦– ٨ ) كیلۆمەتر دەبێت".
سەبارەت بە بەرزترین پلەكانی گەرما، كەشناسی ئاشكرای كردوە "هەولێر:٤١، سلێمانی:٤٠، دهۆك:٤٠، كەركوك:٤٤، هەڵەبجە:٤١، سۆران:٣٧، راپەرین:٤٠، گەرمیان:٤٤ دەبێت".