شارەزایەکی کەشناسی پێشبینییەکانی کەشوهەوای رۆژانی جهژنی قوربانی ڕاگەیاند و دەڵێت" یەكەم ڕۆژی جەژنی قوربان گەرمیایەكی بەتین دەستپێدەكات".
محەمەد كەمال، شارەزای بواری كەشناسی لە بڵاوکراوەیەکدا ئاماژەی بەوەکردووە" بەهۆی كشانەوەی تۆپەڵە هەوای گەرم و هاتنی بارستە هەوایەكی نیمچە فێنك لە دەریای ناوەڕاستەوه پێشبینی دەكەم لە ئەمڕۆوە پلەی گەرما دوو بۆ سێ پله ڕوو لە نزمبونەوه بكات".
ڕوونیشیکردەوە، پاشان بەشێوەی هەڵكشان و داكشانی چەند پلەیەك گۆڕانكاری لە پلەی گەرما بەردەوام دەبێت و لە یەكەم ڕۆژی جەژنی قوربان ئەگەری كەشێكی زۆر گەرم هەیە و پلەی گەرما بەرزدەبێتەوه.
ئاماژەی بەوەشكرد، خێرایی با بەردەوامی هەیە بەڕێژەی (١٥ بۆ ٢٥) كیلۆمەتر بە تایبەتیش لە ناوچەكانی باشووری كوردستان لە نێوان نیوەڕۆ بۆ ئێوارە هەست بە چالاكی با دەكرێت.