بەپێی هەواڵی میدیاكانی توركیا، ئەمڕۆ لەسەر رێگەی نێوان (ئەدەنە و دیلۆك) لە سنووری پارێزگای دیلۆكی باكووری كوردستان ڕووداوێکی هاتووچۆ ڕوویداوە، کە بەهۆیەوە (١٥) كەس گیانیان لەدەستدا و (٢٢) كەسی دیكەش برینداربوون.
ئاماژە بەوەشکراوە، دوو رۆژنامەوان، دوو کارمەندی تەندروستی و سێ کارمەندی ئاگرکوژێنەوە لەناو ئەو کەسانەدان کە گیانیان لەدەستداوە، هاوکات لە ئێستاشدا لێكۆڵینەوە لە ڕووداوەكە دەستیپێکردووە.