ئەمڕۆ سێشه‌ممه ناوەندی راگەیاندن و چاپەمەنی هێزەكانی پاراستنی گەل - هەپەگە، ئاماری حەوت مانگی رابردووی، شەڕ و پێكدادانی نێوان گه‌ریلاكانی په‌كه‌كه و سوپای توركیای لە ناوچەكانی (زاپ، ئاڤاشین و مەتینا) بڵاوكردەوە، کە لە ۱٤ی نیسانەوە تا ۱٤ی تشرینی ئەمساڵ تۆمارکراوە.
لە ئامارەکەی هەپەگەدا هاتووە" لە ماوەی حەوت مانگی ڕابردوودا، لە ئەنجامی بەرخۆدانی گەریلاکانی ئازادی کوردستان، دوو هەزار و ٥٤٤ سەربازی تورکیا کوژراون و ۱۱هێلیکۆپتەریش خراوەتە خوارەوە و دوو تانک تێکشکێنراون".
هەپەگە ئاماژەى بەوەشکردووە، دەوڵەتی تورکیا دوو هەزار و ٨۳۷ جار بە بۆمب و چەکی قەدەغەکراو و گازی کیمیای، هێرشیان کردووەتە سەر مەیدانەکانی بەرخۆدان.
به‌پێی ئاماره‌كه‌ی هه‌په‌گه، له ماوه‌ی ئه‌و حه‌وت مانگەدا (١٧٤) گه‌ریلایان گیانیان له‌ده‌ستداوه.