پۆلیسی سلێمانی رایدەگەیەنێت، مەفرەزەكانی بەشی پۆلیسی فریاكەوتنی سلێمانی تۆمەتبارێكیان دەستگیر كردووە.
پۆلیسی سلێمانی رایگەیاندووە، دوای ئەوەی تۆمەتبارێك لەناوشاری سلێمانی تەقەی كرد، دواتر هێزەكانی پۆلیس شوێن دەنگی تەقەكە كەوتن و سەرەنجام توانرا تۆمەتبار لەلایەن بەشی پۆلیسی فریاكەوتنی سلێمانیەوە دەستگیر بكرێت و لەكاتی دەستگیركردنشیدا دەستگیرا بەسەر دوو چەكدا لەجۆری دەمانچەو كڵاشینكۆف، هەروەها ئوتۆمبێلێكیش كە بەتۆمەتبار بووە.
راگەیەنراوەكە ئاماژەی بەوەكردووە، لەئێستادا تۆمەتبار بە بڕیاری دادوەر و بەپێی ماددەی ١٥ لەیاسای چەك ڕاگیراوە و لەلایەن بنكەی پۆلیسی بەختیاریەوە پەڕاوی لێكۆڵینەوەی بۆ كراوەتەوە.