محەمەد شیاع سودانی، سەرۆك وەزیرانی عێراق رایدەگەیەنێت، لەگەڵ هەرێمی كوردستان بۆ دۆسیەی نەوت گەیشتونەتە رێككەوتن.
محەمەد شیاع سودانی، سەرۆك وەزیرانی عێراق لەكۆنفرانسێكی رۆژنامەوانیدا رایگەیاند، كۆی گشتی بودجە ١٩٧ ترلیۆن و ٨٨٢ ملیار دینارە و لەگەڵ هەرێمیش گەیشتوونەتە رێكەوتن بۆ ئەوەی داهاتی نەوتی هەرێم لە یەك هەژماری بانكی دابنرێت و سەرۆك وەزیرانی هەرێمی كوردستان سەرپەرشتی بكات بە چاودێری سەرۆك وەزیرانی عێراقی فیدراڵ و لیژنەیەكی تایبەت داواكاری بەرز دەكاتەوە بۆ سەرۆك وەزیرانی عێراق بۆ بڕیاردانی گونجاو.
سەبارەت بە ناوەڕۆكی پڕۆژە یاسای بودجەش كە ئەمڕۆ حكومەتی عێراق پەسەندی كرد ئاماژەی بەوەدا، بودجەی بەكاربردن ١٥٠ ترلیۆن و ٢٧٣ ملیار دینار و بودجەی وەبەرهێنان ٤٧ ترلیۆن و ٥٥٥ ملیار دینار و كورتهێنانیش بە ٦٣ ترلیۆن و ٢٧٥ ملیار دینار خەمڵێندراوە.