سه‌رله‌به‌یانی ئه‌مڕۆ 3-9-2014، پۆلیسی گه‌رمیان داواكراوێكی ده‌ستگیركردووه‌ كه‌ پێشتر به‌پێی ماده‌ی 3ی تیرۆر له‌لایه‌ن دادگاوه‌ داواكرابوو.

موقدم حه‌سه‌ن محه‌مه‌د به‌ڕێوه‌به‌ری راگه‌یاندو په‌یوه‌ندییه‌كانی پۆلیسی گه‌رمیان له‌ گۆنگره‌یه‌كی رۆژنامه‌وانیدا رایگه‌یاند: ئه‌و داواكراوه‌ له‌ گوندی ئه‌سڵاح-ی سه‌ر به‌ ناحیه‌ی كۆكز كه‌ ده‌كه‌وێته‌ نزیك جه‌له‌ولا، ده‌ستگیركراوه‌.


راشیگه‌یاند: پێشتر به‌پێی ماده‌ی 3ی تیرۆر له‌لایه‌ن دادگاوه‌ داواكراوه‌.


وتیشی: داواكراوه‌كه‌ به‌ ره‌چه‌ڵه‌ك عه‌ره‌به‌و خه‌ڵكی سه‌عدییه‌یه‌و وه‌ك ئاواره‌ هاتووه‌ته‌ ئه‌و گونده‌و لێی نیشته‌جێ بووه‌.


رونیشیكرده‌وه‌: له‌ هه‌وڵی كۆكردنه‌وه‌ی سه‌رچاوه‌ی داراییدا بووه‌ بۆ گروپی تیرۆرستی داعش.