پاش مانگرتنی ژمارەیەك لە شۆفیری پاسەكانی سلێمانی، كرێی پاسی بەشێک لە هێڵەکانی ناوشار كرا به‌ 750 دینار.

لەمباریەوە لوقمان سدیق به‌رپرسی‌ هێڵی‌ پاسه‌كانی‌ راپه‌ڕین بە سایتی خه‌ندانی وت‌: "دوای‌ ئه‌وه‌ی‌ ئه‌مڕۆ شۆفێرانی‌ پاسه‌كانی‌ (به‌كره‌جۆ، عه‌واڵ‌، راپه‌ڕین) خۆپیشاندانمان كرد، دواتر مانمانمان گرت له‌ كاركردن، به‌ڵام له‌به‌ر خاتری‌ هاوڵاتیان مانگرتنه‌كه‌مان شكاند ‌و له‌ئێستادا كارده‌كه‌ین ‌و به‌شێوه‌یه‌كی‌ كاتی‌ هاوڵاتیان به‌ 750 دینار ده‌گوازینه‌وه‌".

وتیشی‌: "ئه‌م زیادكردنی‌ نرخه‌ كاتیه‌ ‌و هه‌ر ده‌قه‌یه‌ك بڕی‌ به‌نزینی‌ هه‌فتانه‌كه‌مان بۆ زیاد بكه‌ن، نرخه‌كه‌ ده‌كه‌ینه‌وه‌ به‌ 500 دینار".