وه‌زاره‌تی ئه‌وقافی هه‌رێمی كوردستان پاره‌ به‌سه‌ر حاجیان دابه‌ش ده‌كات و بۆ هه‌ر حاجیه‌ك 200 دۆلار خه‌رج ده‌كات.
 
ئیسماعیل گه‌ڵالی  به‌رێوه‌به‌ری راگه‌یاندنی حه‌ج و عه‌مره‌ی هه‌رێمی كوردستان به‌ ماڵپەڕی (باسنیوز)ی راگه‌یاند  له‌ دوێنێه‌وه‌ ده‌ستكراوه‌ به‌ دابه‌شكردنی پاره‌ به‌سه‌ر حاجیانی كوردستان، گوتیشی: هه‌ر حاجیه‌ك بڕی 200 دۆلاری پێدراوه‌ له‌ بری دابینكردنی خۆراك بۆ ماوه‌ی مانه‌وه‌یان له‌ شاری مه‌ككه‌، پاره‌كه‌ش له‌ لایه‌ن به‌رێوه‌به‌رایه‌تی گشتی حه‌ج و عه‌مره‌ی كوردستانه‌وه‌ ده‌درێـت.
 
ئیسماعیل گه‌ڵالی  ئه‌وه‌ی   خسته‌روو  ئه‌مساڵ بۆ یه‌كه‌مینجاره‌ پاره‌ دابه‌شی سه‌ر حاجیان بكرێت، گوتیشی: هه‌ر ساڵێك خواردن بۆ حاجیان دابین بكرێت نه‌دراوه‌. به‌ڵام ئه‌مساڵ بۆ ئه‌وه‌ی حاجیان ئازاد بن له‌ هه‌ڵبژاردنی بڕو جۆری ئه‌و خواردنه‌ی ده‌یخۆن ئه‌و بڕه‌ پاره‌یان پێده‌ده‌رێ.
به‌رێوه‌به‌ری راگه‌یاندنی حه‌ج و عه‌مره‌ هێمای بۆ ئه‌وه‌كرد ئه‌و 200 دۆلاره‌ به‌ 3 هه‌زار و 656 حاجی كوردستان ده‌درێت كه‌  كۆی گشتی  ده‌كاته‌ 731 هه‌زار و 200 دۆلار.