دەزگای ئاسایشی پارێزگای سلێمانی ١٩ کەسی بە تۆمەتی نووشتەکردن و جادوو دەستگیرکردووە.
رۆژی شەممە، ٤ی تشرینی یەکەمی ٢٠٢٣ دەزگای ئاسایشی سلێمانی راگەیاندنێکی بڵاوکردەوە و رایگەیاند" هێزەکانی ئاسایش دوای لێکۆڵینەوە و بەدواداچوونی ورد، لەپێناو پاراستنی ئاسایشی کۆمەڵایەتی و ڕێگریکردن لە فریودانی هاوڵاتییان، لەچەند ڕۆژی رابردوودا بەبڕیاری دادوەری لێکۆڵینەوەی ئاسایش لەچەند هەڵمەتێکدا ١٩ کەسیان بەتۆمەتی ئەنجامدانی کاری نووشتە و جادوو دەستگیرکرد".
هەروەها رایگەیاند" لەکاتی دەستگیرکردنیان دەستگیراوە بەسەر سەرجەم ئەو کەلوپەلانەی کە بۆ مەبەستی نووشتەکردن و هەڵخەڵەتاندنی هاووڵاتییان بەکاریانهێناوە بۆ دەستکەوتنی بڕێک پارە".
وتیشی" ئێستا سەرجەم ئەو تۆمەتبارانە راگیراون و لێکۆڵینەوە لە دۆسیەکانیان بەردەوامە".