کەشناسی عێراق ڕایدەگەیەنێت" لە رۆژی یەکشەممە و دووشەممەی ئەم هەفتەیەدا ئەگەری بارانبارین هەیە".
دەستەی کەشناسی عێراق، ئەمڕۆ شەممە پێشبینییەکانی کەشوهەوای بۆ ڕۆژانی داهاتوو بڵاوکردەوە و ڕایگەیاند" ڕۆژی یەکشەممە و دووشەممەی ئەم هەفتەیە بەگشتی ئاسمان لە ناوەڕاست و باشووری عێراق ساماڵ و پەڵە هەور دەبێت".
ئاماژەی بەوەشکردووە، لە ناوچەکانی هەرێم ئاسمان بەگشتی نیمچە هەور دەبێت و ئەگەری بارینی باران هەیە و پلەی گەرماش دادەبەزن.
لەبارەی کەشوهەوای رۆژی سێشەممەوە، کەشناسی عێراق باس لەوەدەکات، پلەکانی گەرما زیاتر دادەبەزن و تاوە بارانیش بەردەوام دەبێت، بەڵام بەپێی پێشبینییەکان رۆژی چوارشەممەدا بارانبارین کۆتایی دێت.