مامۆستایانی ناڕازی رەخنە لە حکومەتی هەرێمی ( ماوە بەسەرچوو) دەگرن کە رێگرە لەبەردەم تەوتینی موووچەی مووچەخۆرانی هەرێمداو داوا لە پارێگاری سلێمانی دەکەن کە لەرێگای پارێزگارەوە تەوتینی مووچەخۆرانی هەرێم بکرێت.
لە کۆنگرەیەکی رۆژنامەگەریدا کە ئەمشەو شەممە ١١ ی ئایار لە سلێمانی سازیانکرد، مامۆستایانی ناڕازی رایانگەیاند" هەموان دەزانن حکومەتی هەرێم بەردەوامە لەپیادەکردنی سیاسەتی ستەمکاران و چەواشەکردنی گەلی کورد، بریاری دادگای فیدڕاڵتی تایبەت بە تەوتینی موچە چارەسەری ریشەیی بوە بۆ پرسی موچە جێبەجێ ناکات".
هەروەها دەشڵێن " دواکەوتنی موچە و تێکدانی گوزەرانی هاوڵاتیان لەئەنجامی پابەندنەبونی حکومه‌تی هەرێمی کوردستانە".
ئەوان پرۆژەی "هەژماری من" رەتدەکەنەوەو، ده‌ڵێن "حکومەتی هەرێم ئامادە نییە داتای فەرمانبەران بداتە بەغدا، بۆیە پەرپرسیارێتی به‌بانكیكردنی موچەکانمان دەخەینە ئەستۆی پارێزگاری سلێمانی و دەسەڵاتدارانی ئه‌م زۆنەو سه‌رجه‌م به‌ڕێوه‌به‌ره گشتییه‌كان كه ده‌توانن ڕاسته‌وخۆ داتانی فه‌رمانبه‌ران بنێرن بۆ وه‌زاره‌تی دارایی عێراق وه‌ك له‌بڕیاره‌كه‌ی دادگای فیدراڵیدا هاتووه."