ئەمڕۆ یەک شەممە بە ئامادەبوونی پسپۆرانی بواری ژینگەو وشکەساڵی لەگەڵ سیاسییەکان لەسەرۆکی عێراق و بەرپرسانی هەرێم کۆبوونەوە بۆ وتوێژکردن لە بارەی وشكهساڵی و كاریگهرییهكانی گۆڕانی كهشوههوا لهسهر عێراق.
لهو كۆنفڕانسهدا لهتیف ڕهشید سهركۆماری عێراق وتارێكدا تیشکی خستە سەر گۆڕانكارییهكانی كهشوههوا و مهترسی لهسهر ئاسایشی خۆراك و زیادبوونی ژمارهی دانیشتوان و ئامڕازهكانی تێكدان هۆكاری گۆڕانكاری كهشوهەوا.
د. لەتیف رەشید، سەرۆك كۆماری عێراق، لە وتەیەكدا دەڵێت "گۆڕانكارییە ژینگەییەكان كارێكی وایان كردووە ئاسایشی خۆراكیان خستووەتە مەترسییەوە، ئەوەی پەیوەندی بە عێراقەوە هەیە زیادبوونی كێشەكانی وشكەساڵی و كەمبارانییە كە لەساڵانی رابردوودا روویانداوە، هەروەها وڵاتانی دراوسێش بڕی ئاویان بۆ عێراق كەمكردووەتەوە، هەم لە كوردستان و هەم لە عێراقیش بەشێوەیەكی گشتی كەمكراوەتەوە".
سەرۆک کۆمار وتیشی " دەبێت ئیدارەدانی بەکارهێنانی ئاو بەهێز بکەین، لە عێراقدا بەفیڕۆدانی ئاو گەیشتۆتە ٥٠-٦٠٪ دا".
نێچیرڤان بارزانی سەرۆکی هەرێم لە وتارێکدا رایگەیاند" دۆخی رابردوو وایكردووه عێراق وهك پێویست نهپڕژێته سهر گرنگی و جددییهتی ئهم بابهته، بۆیه ئێستا ئێمه له عێراق و ههرێمی كوردستان زیاتر له وڵاتانی دیكه پێویستیمان به كاری خێرا و دانانی پلان و ستراتیژیی ههنووكهیی و كورتخایهن و درێژخایهن ههیه".
نێچیرڤان بارزانی جەختی کردەوە لەوەی پرسی گۆڕانی کەشوهەوا، دەبێت ببێته كارێكی لهپێشینه و مهودا و رووبهڕێكی زیاتر و جددیتر له سیاسهت و بهرنامهی كاری حكومهتی عێراقی فیدراڵ و حكومهتی ههرێمی كوردستان بگرێت و پێكهوه هاوكاری بكهن.
بێگەرد تاڵەبانی وەزیری کشتوکاڵی هەرێم، ئاماژە بۆ ئەوە کرد کە لە ٣٠٪ داهاتی ئاوی عێڕاق لە هەرێمەوە دابین دەکرێت، کۆبوونەوەی باش دەکرێت، پلان دادەنرێت، بەلآم ناچێتە بواری جێبەجێکردنەوەو هیچ پارەیەک بۆ هەرێم خەرج نەکراوە تا بەنداوی ستراتیژی دروستبکرێت لە هەرێمی کوردستان.
لە عێراقدا ساڵانه ١٠٠ كیلۆمهتر چوارگۆشه زهویی كشتوكاڵی، دهبێته وشكایی و بیابان. بەپێی ئامارەکانی رێکخراوی نێودەوڵەتیی کۆچ (IOM) لەم ساڵانهی دواییدا تاوەکو مانگی دهی ساڵی رابردوو، ١٣٠٩ ههزار كهس له باشووری عێراق ناچار بوون شوێنی ژیانیان چۆڵ بكهن.
هەر لەو کۆنفرانسەدا چەندان وتاری تر لەلایەن بەپرسان و پسپۆرانەوە خوێندرانەوە.