کەشناسی هەرێم کەشوهەوای ٤٨ کاتژمێری داهاتووی بڵاوکردەوە و جەختی لەوە کردەوە کە ئەمڕۆ ئاسمان هەور و نیمچەهەور دەبێت و لە هەندێک ناوچە نمە باران دەبارێت و ئەگەری دروستبوونی تۆزوخۆڵ هەیە.
بە گوێرەی راگەیەنراوی کەشناسی هەرێم ئەمڕۆ پێنج شەممە ١٦ی ئایاری ٢٠٢٤ کەشی ئاسمان لەنێوان هەور و نیمچە هەور دەبێت لەگەڵ کەمێک نمە باران لەکاتەکانی بەیانیدا لە ناوچە شاخاوییە سنوورییەکانی باکووری هەرێم پاشان لەکاتەکانی دوای نیوەڕۆ لەناوچەکانی ئیدارەی سەربەخۆی سۆران و رانیە و باشووری شاری دهۆک دابارین بەشێوەی تاوە باران و بروسکەی کورت خایەن دەبێت، و لەناوچەکانی باشووری هەرێم ئەگەری کەمێک تۆزو خۆڵ هەیە.
ئاماژەی بەوەشداوە کە پلەکانی گەرما نزیک دەبێتەوە بەراوورد بە تۆمارکراوەکانی دوێنێ .
سبەی هەینی ١٧ی ئایاری ٢٠٢٤ کەشی ئاسمان لەنێوان نیمچە هەورو ساماڵ دەبێت ، و خێرای با لەکاتەکانی بەیانی کەمێک چاڵاک دەبیت بۆ ٣٠ کم/س و پلەکانی گەرما کەمێک بەرزدەبێتەوە (١-٢ ) بەراوورد بە تۆمارکراوەکانی ئەمرۆ.
بەرزترین پلەکانی گەرمای پێشبینیکراو بە پلەی سیلیزی
هەولێر : ٣١
سلێمانی: ٢٧
دهۆک : ٢٩
زاخۆ : ٣٠
هەڵەبجە : ٣١
کەرکوک: ٣٣
سۆران : ٢٧
حاجی ئۆمەران: ٢٠
گەرمیان : ٣٤