پێشنیوەڕۆی ئەمڕۆ هەینی بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" سبەینێ خێرایی زیاد ده‌كات و ده‌بێته هۆی به‌رزبوونه‌وه‌ی تۆزوخۆڵ".
بەپێی پێشبینییەکانی کەشناسی هەرێم، ئەمڕۆ ئاسمان بەگشتی لە نێوان پەڵە هەور و نیمچە هەور دەبێت، لە گەڵ بوونی تۆزێكی كەم لە کەشدا، هاوکات خێرای با (١٠ – ٢٥)کم دەبێت بە ئاراستەی باشووری خۆرئاوا و مەودای بینین (٧ - ٩)کم دەبێت، پلەکانی گەرماش (١ تا ٢) پلە بەرزدەبنەوە.
ئەوەشی خستەڕوو، سبەینێ شەممە ئاسمان نیمچە هەور دەبێت، بەڵام لە هەندێك ناوچە دەگۆڕێت بۆ هەوری تەواو، لە ناوچە شاخاوییە بەرزەكانیشدا ئەگەری كەمێك بارانبارین و هەورە بروسكە هەیە، هەروەها خێرایی با هەندێك كات زیاد دەكات و دەبێتە هۆی بەرزبونەوەی تۆزوخۆڵ لە كەشی ناوچەكەدا، هاوکات خێرای با (١٥ – ٢٥)کم دەبێت و هەندێک کات چالاک دەبێت بۆ سەرووی (٣٠)کم و مەودای بینین (٦ - ٨) کم دەبێت، بەڵام لە کاتی تۆزوخۆڵ (٣ - ٥)کم دەبێت، پلەکانی گەرماش بە جێگیری دەمێننەوە.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٣٤
سلێمانی: ٣٣
دهۆک: ٣٤
زاخۆ: ٣٥
هەڵەبجە: ٣٥
کەرکوک: ٣٨
سۆران: ٣٠
حاجی ئۆمەران: ٢٠
گەرمیان: ٢٠