ئەمڕۆ سێشەممە ٢٨ی ئایاری ٢٠٢٤ بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" سبەینێ خێرایی با زیاد دەکات و ئەمڕۆش پلەکانی گەرما بەرزدەبنەوە".
بەپێی پێشبینییەکانی کەشناسی هەرێم، ئەمڕۆ ئاسمان بەگشتی لە نێوان ساماڵ و پەڵە هەور دەبێت، هاوکات خێرای با (١٠ – ٢٠)کم دەبێت بە ئاراستەی باکووری خۆرئاوا و مەودای بینین (٨ - ٩)کم دەبێت، پلەکانی گەرماش (١ تا ٣) پلە بەرزدەبنەوە.
ئەوەشی خستەڕوو، سبەینێ چوارشەممە ئاسمان لە نێوان ساماڵ و پەڵە هەور دەبێت، هەروەها خێرای با (١٠ – ٢٠)کم دەبێت، بەڵام لە هەندێک کات چالاک دەبێت بۆ (٣٠)کم، هاوکات مەودای بینین (٧ - ٩) کم دەبێت، پلەکانی گەرماش نزیک دەبنەوە لە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٣٧
سلێمانی: ٣٣
دهۆک: ٣٥
زاخۆ: ٣٦
هەڵەبجە: ٣٥
کەرکوک: ٣٩
سۆران: ٣١
حاجی ئۆمەران: ٢٤
گەرمیان: ٤٠