جێگری سەرۆکی حکومەتی هەرێمی کوردستان ڕایدەگەیەنێت" کە کێشەی هێزە ئەمنییەکان لای حکومەتی هەرێمەوە چارەسەرکراوە، ئەمەش لە کاتێکدایە کە نزیکەی دوو مانگە مووچەی ئەو هێزانە دابەش نەکراوە".
ئەمڕۆ یەکشەممە، قوباد تاڵەبانی، جێگری سەرۆکی ( ماوە بۆ درێژکراوەی) حکومەتی هەرێمی کوردستان لە لێدوانێکی ڕۆژنامەوانیدا ڕایگەیاند" کارمان کردووە بۆ چارەسەرکردنی کێشەی مووچەی هێزە ئەمنییەکان و لە شاندەکانی ڕابردوودا گەیشتبووینە لێکتێگەیشتنێک لەگەڵ حکومەتی فیدراڵی لەسەر میکانیزمی ناردنی ناوەکان یان کۆدەکان بۆ وەزارەتی دارایی عێراق".
قوباد تاڵەبانی وتیشی" لای ئێمە ئەو بابەتە یەکلاکراوەتەوە و چارەسەر کراوە".
ئەمەش لە کاتێکدایە کە تا ئێستا مووچەی مانگی چوای هێزە ئەمنییەکان دابەش نەکراوە و مووچەی مانگی پێنجی فەرمانبەرانیش یەکلانەکراوەتەوە.