وەزارەتی دارایی هەرێم ڕایدەگەیەنێت" لیستی مووچەی فەرمانبەران بۆ مانگی پێنج رادەستی وەزارەتی دارایی حکومەتی عێراق کراوە".
بەپێی ڕاگەیەندراوێکی وەزارەتی دارایی و ئابووری هەرێم، ئەمڕۆ سێشەممە ٤ی حوزەیرانی ٢٠٢٤ لیستی مووچەی مانگی ئایاری فەرمانبەران و مووچەخۆرانی هەرێم رادەستی وەزارەتی دارایی حکومەتی فیدراڵ کراوە.
تائێستا مووچەی مانگی نیسانی پێشمەرگە و دەزگاى ئاسایش و ئەنجوومەنى ئاسایش، زێرەڤانى، بەرگرى و فریاکەوتن، پۆلیسى دامودەزگا نەوتییەکانى هەرێم دابەشنەکراوە.
ئێوارەی دوێنێ دووشەممەش ئەنجوومەنی نوێنەرانی عێراق بە ئامادەبوونی ١٩٩ پەرلەمانتار خشتەى بودجەى ئەمساڵی پەسەند کرد و موچەی فەرمانبەرانی هەرێمیش خرایە سەر خشتەی بودجە و لە خەرجی فعلی جیاکرایەوە.