لە ماوەی مانگی ڕابردوودا لە تورکیا و باکوورى کوردستان ٤٠ ژن کوژراون و ٢٠ ژنی دیکەش بەشێوەی گوماناوی گیانیان لە دەستداوە.
بەپێی ئامارێکی (کەجەدەپە)، تەنها لە ماوەی مانگی ئایاری ئەمساڵدا ٤٠ ژن لە سەرانسەری تورکیا و باکوری کوردستان کوژراون و ٢٠ ژنی دیکەش بەشێوەی گوماناوی گیانیان لە دەستداوە.
لە ئامارەکەی (کەجەدەپە) ئەوەش هاتووە" لەو ٤٠ ژنە ١٥یان بەدەستی هاوسەرەکەیان، ٤ ژن بە دەستی خۆشەویستەکانیان، ٧ ژن بە دەست خزمەکانیان، ٢ ژنیش بەدەستی ناسیاوەکانیان، ٦ ژنیش بە دەستی باوکی، ١ ژنی دیکەش بە دەستی براکەی و ژنێکیش بە دەستی کوڕەکەی كوژراوە، ٢ ژنیش بەدەست کەسانی نەناسراوەوە كوژراون، ٢ ژنی دیکەش بەدەستی هاوسەری پێشوویان کوژراون".
هەر بەپێی ئامارەکە" ٢٥ ژن لە ناو ماڵەكانیاندا، ٦ ژن لەسەر شەقام، ٢ ژن لە چۆڵەوانی، ٢ ژن لە شوێنی کار، ٢ ژن لە ناو ئۆتۆمبێل و ٣ ژنیش لە شوێنی نادیار كوژراون".