ئاگر لە گەراجی بەڕێوەبەرایەتیی هاتوچۆی هەولێر كەوتەوە و تیمەکانی بەرگری سەرقاڵی کۆنترۆڵکردنی ئاگرەکەن.
کەمێک پێش ئێستا بە هۆكارێكی نادیار ئاگر لە گەراجی تایبەت بە دەستبەرداگرتنی ماتۆڕسكیل لە بەڕێوەبەرایەتیی هاتوچۆی هەولێر كەوتەوە و تیمەكانی بەرگریی شارستانیی هەولێر لە هەوڵی كۆنتڕۆڵكردنی ئاگرەكەدان.
بەگوێرەی زانیارییەکان ئاگرەکە بەشی ماتۆڕسکیلە دەستبەسەرداگیراوەکانی گرتووەتەوە.
ئاگرەکە تائێستا کۆنتڕۆڵ نەکراوە و مەترسی لەسەر سوتانی ئەو ئۆتۆمبێلانەش هەیە کە دەستیان بەسەرداگیراوە.