وەزارەتی دارایی هەرێم رایگەیاند " سبەی هەینی بانکەکانی دابەشکردنی مووچە دەکرێنەوە بە مەبەستی دابەشکردنی مووچەی مانگی ئایاری خانەنشینانی پێشمەرگەو ناوخۆ".
لە راگەیاندنەکەی وەزارەتدا هاتووە " ڕۆژی هەینی ١٤ ی حوزەیران مووچەی مانگی ئایاری خانەنشینانی سەربازی ( خانەنشینی پێشمەرگەو خانەنشینی هێزەکانی ناوخۆ ) دابەش دەکرێت".
هەروەها هاتووە " بۆ ئەو مەبەستە دەوامی سەرجەم ئەو بانکانە کراوە دەبێت کە ئەرکی دابەشکردنی مووچەی ئەو چین و توێژانەیان لە ئەستۆدایە".