وەزارەتی بازرگانی هەرێمی کوردستان ڕایدەگەیەنێت تا ئێستا زیاتر لە ٢١٠ هەزار تۆن گەنم لە جوتیاران وەرگیراوە.
ئەمڕۆ دووشەممە، وەزارەتی بازرگانی هەرێمی کوردستان ڕایگەیاند" تا دوێنێ یەکشەممە سایلۆکان ٢١٠ هەزار و ١٣٣ تۆن گەنمیان لە جوتیاران وەرگرتووە".
ڕوونیشیکردەوە کە ٨٠ هەزار و ٩٩٣ تۆن لە سلێمانی، ٦٦ هەزار و ٥٤٦ تۆن لە دهۆک و لە هەولێریش ٦٢ هەزار و ٥٩٢ تۆن گەنم وەرگیراوە".
وەزارەتی بازرگانی عێراق بڕیاری داوە ئەمساڵ ٧٠٠ هەزار تۆن بەرهەمی گەنمی جوتیارانی هەرێمی کوردستان وەربگرێت کە بە بەراورد لەگەڵ پاردا ٢٠٠ هەزار تۆنی زیاترە.